ქავთარაძის ქუჩაზე ბუნებრივი აირის აფეთქების შედეგად კორპუსის კედელი ჩამოინგრა. გავრცელებული ინფორმაციით, აფეთქების ტალღამ ასევე დააზიანა  კორპუსის პირველ და მეორე სართულზე განთავსებული ბინები. 

საგანგებო სიტუაციების მართვის სააგენტოს მიერ გავრცელებული ინფორმაციით, აფეთქება სავარაუდოდ გაზის გაჟონვითაა გამოწვეული. შემთხვევის  შედეგად ერთი ადამიანი დაშავდა, რომელიც საავადმყოფოში გადაიყვანეს.