მსოფლიოში უდიდესი საავტომობილო ბაზრის მქონდე ჩინეთი დიზელსა და ბენზიზნე მომუშავე მანქანების წარმოებისა და გაყიდვის აკრძალვას გეგმავს.

ჩინეთის ინდუსტრიის ვიცე-მინისტრი დროს არ აკონკრეტებს, თუმცა ამბობს, რომ საკითხის შესწავლა უკვე დაწყებულია.

BBC-ის ცნობით, გასულ წელს ჩინეთში 28 მილიონი ავტომობილი დამზადდა, რაც საერთო მსოფლიო მაჩვენებლის მესამედს შეადგენს.

2040 წლისთვის დიზელსა და ბენზინზე მომუშავე ავტომობილების აკრძალვა უკვე დაანონსეს საფრანგეთმა და გაერთიანებულმა სამეფომ. ივლისში, Volvo-ს წარმომადგენლებმა განაცხადეს, რომ კომპანია 2019 წლიდან მხოლოდ ელექტრომობილების წარმოებას დაიწყებს.

ელექტრომობილების გავითარებაზე მუშაობენ სხვა მსოფლიო ბრენდებიც, როგორიცაა ნისანი, ფორდი და ჯენერალ მოტორსი.

ჩინეთის ეს გადაწყვეტილება დიდ გავლენას მოახდენს ქვეყანაში ნავთობის ინდუსტრიაზე, რადგან ჩინეთი მსოფლიოში ყველაზე მსხვილ ნავთობმომხმარებლებს შორის მეორე ადგილს იკავებს.

წყარო: on.ge