ერთ-ერთი ყველაზე მნიშვნელოვანი ინვესტიცია, რომელსაც ცხოვრებაში ვაკეთებთ ბინის შეძენაა. ხშირ შემთხვევაში კი, ბინის შესაძენად მივმართავთ იპოთეკურ სესხს, რაც თავშივე მოიაზრებს გრძელვადიან პასუხისმგებლობის აღებას. სწორედ ამიტომ ეს კიდევ უფრო ართულებს გადაწყვეტილების მიღებას და საჭიროებს დეტალური ინფორმაციის ფლობას, რომ ჩვენს მიერ გადადგმული ნაბიჯი იყოს გამართლებული და არ შეიცავდეს რისკებს.

ამისათვის საჭიროა გავითვალისწინოთ შემდეგი რჩევები:

• იპოთეკური სესხი  სრულად არ ფარავს  თანხას, რომელიც გესაჭიროებათ ბინის შესაძენად. კრედიტორები ამ თანაფარდობას უწოდებენ "სესხის უზრუნველყოფის კოეფიციენტს" რაც ხშირ შემთხვევაში მაქსიმალური კოეფიციენტი 70-80 პროცენტია.
• უნდა გაითვალისწინოთ, რომ ქონების  ფასი ერთადერთი ხარჯი არ იქნება, რომლის დაფარვაც მოგიწევთ საკუთარი სახსრებით. თქვენ ასევე გადასახდელი გექნებათ ქონების რეგისტრაციისა და საბანკო მომსახურების ხარჯები, რომლებიც სესხის თანხის დაახლოებით 2.5 პროცენტს შეადგენს.
•  ამასთანავე, იმის გათვალისწინებით, თუ რა მდგომარეობაშია ბინა, რომლის ყიდვასაც გეგმავთ, საცხოვრებლად გადასვლამდე, სავარაუდოდ დაგჭირდებათ მისი გარემონტება და სხვა შესაძლო სტრუქტურული ცვლილებები.
• თუ სახლის შეძენასთან დაკავშირებული დამატებითი ხარჯების დასაფარად ახალი სესხის გამოტანას ფიქრობთ, გაითვალისწინეთ, რომ იპოთეკური სესხისგან განსხვავებით, სხვა კატეგორიის სესხებზე საპროცენტო განაკვეთები ძირითადად უფრო მაღალია, დაფარვის ვადები კი უფრო მოკლე.
• პირველ რიგში, განსაზღვრეთ ხელზე ასაღები შემოსავალი, რომელიც ხელფასიდან ყველა სახის გადასახადის (საშემოსავლო, თუ სხვა) დაკავების შემდეგ გრჩებათ.
• იპოთეკური სესხი, როგორც წესი, მრავალწლიანი ფინანსური ვალდებულების აღებას გულისხმობს. ამიტომ უნდა გახსოვდეთ, რომ მომავალში შეიძლება შეიცვალოს თქვენი ფინანსური მდგომარეობა. სხვაგვარად რომ ვთქვათ, მაშინაც კი, თუ სესხის შენატანს იოლად ფარავთ დღეს, აუცილებელია დარწმუნდეთ, რომ ამის გაკეთებას მომავალშიც
• იპოთეკური სესხის დაფარვა შეიძლება გაგიჭირდეთ თუ დაკარგეთ სამსახური…ზუსტად განჭვრეტა რთულია, რისკის შესამცირებლად გირჩევთ საგანგებო შემთხვევებისთვის რეზერვის შექმნას.
• თუ იპოთეკური სესხი უხცოურ ვალუტაში გამოგაქვთ, მისი დაფარვა იმავე ვალუტაში უნდა მოხდეს. ამიტომ, უნდა გაითვალისწინოთ თქვენი სამომავლო შემოსავლის რა ნაწილი იქნება უცხოურ ვალუტაში.
• გაცვლითი კურსის განვითარების პროგნოზირება შეუძლებელია. ბოლო წლების განმავლობაში ლარის კურსი აშშ დოლართან მიმართებაში დიდი მერყეობით ხასიათდებოდა.

გაცვლითი კურსის ცვლილებაზე მოქმედებს მრავალი ისეთი ფაქტორი, რომელსაც ვერ გააკონტროლებთ.

• რაც უფრო ხანგრძლივია სესხის ვადა, მით მეტია საპროცენტო განაკვეთების მერყეობის ალბათობა ორივე მიმართულებით; შებასამისად, მით უფრო ძნელი იქნება სამომავლოდ საპროცენტო განაკვეთების ცვლილების პროგნოზირება. კითხეთ კრედიტორს, თუ როგორ ხდება მცურავი საპროცენტო განაკვეთის გამოთვლა. დარწმუნდით, რომ ეს გამოთვლები და მათი ლოგიკის საფუძვლები თქვენთვის გასაგებია.
• საქართველოში კრედიტორთა უმრავლესობა სახლის შესაძენად ან ასაშენებლად 15 წლამდე ვადის იპოთეკურ სესხს შემოგთავაზებთ. ჩვეულებრივ, შეგიძლიათ აირჩიოთ ორი სხვადასხვა ტიპის დაფარვის გრაფიკი: ანუიტეტი შემცირებად ბალანსზე ან თანაბარი გადახდები საწყის ბალანსზე.
• დაბოლოს, ხელშეკრულების ხელმოწერამდე დარწმუნდით, რომ კარგად გესმით სესხის პირობები და მასთან დაკავშირებული ყველა რისკი.

წყარო: www.nbg.gov.ge