კომპანია მ2 თბილისში „ხრუშჩოვკების“ ჩანაცვლებას გეგმავს. კომპანიის ხელმძღვანელის, ირაკლი ბურდილაძის განცხადებით, საბურთალოს რაიონში, კერძოდ ვაჟა ფშაველას კვარტლებსა და ქავტარაძის ქუჩაზე ძველი ამორტიზებული კორპუსების ნაცვლად, იგეგმება ახალი კორპუსების აშენება, რომლის დასრულების შემდეგ ადგილობრივები ახალ სახლში გადავლენ. 

 „ამორტიზებულ სახლებში მცხოვრებ პირებს m2 ბინების გადაცვლას ახალ აშენებულ ბინებზე შესთავაზებს. იმ ტერიტორიაზე, რომელზეც ამორტიზებული შენობა დგას, დავიწყებთ მშენებლობას იმისთვის, რომ პროექტი კომერციულად მომგებიანი გახდეს. კონკრეტულად ქავთარაძეზე არის საშუალება, ადგილობრივებს შევთავაზოთ მათ საცხოვრებლის გადაცვლა ახალაშენებულ კორპუსებში იგივე ადგილას და იმავე ფართით,“-განაცხადა ირაკლი ბურდილაძემ. 

M2-ის ინიციატივას დედაქალაქის მერიც გამოეხმაურა და განაცხადა, რომ „ჩვენი მხრიდან მხოლოდ დახმარება და ხელშეწყობა იქნება. ამასთან დაკავშირებით, წინასაარჩევნოდაც ვესაუბრე და სავსებით შესაძლებელია ამ პროექტის განხორციელება, შეთავაზება უნდა მოხდეს სამი მიმართულებით: პირველი ეს არის ფართების პირდაპირი გამოსყიდვა, მეორე- სხვა რაიონში კონკრეტული ფართის შეთავაზება, მესამე- „ხრუშჩოვკების ადგილას იგივე ფართის შეთავაზება,“-განაცხადა კახა კალაძემ.