საცხოვრებელი ბინის შეძენის გადაწყვეტილება საკმაოდ სერიოზული ნაბიჯია ადამიანის ცხოვრებაში, უნდა გააცნობიერო, რომ ეს ერთ-ერთი მნიშვნელოვანი და მსხვილი ინვესტიციაა, რომელსაც შენი ცხოვრების განმავლობაში დებ. სახლი ის ადგილია, სადაც შენი ცხოვრება იწყება, ვითარდება და ყალიბდება, ადამიანთა უმეტესობა დღე-ღამის დიდ დროს, სწორედ სახლში ატარებს, ამიტომ ბინის შერჩევას უდიდესი როლი აკისრია შენი ცხოვრების მომდევნო ეტაპების თუ საფეხურების წარმართვაში.

 

-  რა თქმა უნდა, ყველა თანხმდება იმაზე, რომ ბინის შეძენა თანხის გარეშე შეუძლებელია, დიდი მნიშვნელობა აქვს იმას შენ ეს თანხა „ხელში გიჭირავს“ თუ სესხის მეშვეობით აპირებ შეიძინო უძრავი ქონება, სწორედ სესხის აღების პროცესზე უნდა გამახვილდეს დიდი ყურადღება, რადგან მისაღები პირობებით და მისაღებ პროცენტში მოხდეს შენთვის სასურველი თანხის დამტკიცება, ამისათვის საჭიროა რამდენიმე ვარიანტი განიხილო და უკეთესსზე შეჯერდე, არ დაგავიწყდეთ  ისიც, რომ ადამიანთა დიდი ნაწილისთვის გრძელვადიანი სესხი უფრო მისაღებია, რადგან გარდა სესხის ყოველთვიურად დასაფარი თანხისა  სხვა უამრავი გასავლიც აქვს ოჯახს.

 

- ახალაშენებული ბინის შეძენის შემთხვევაში, მნიშვნელოვანია სამშენებლო კომპანიის შერჩევაც, ყურადღებით გაეცანით მათს პირობებს, გამოყავით უპირატესობები და მოინიშნეთ რა არ მოგწონთ, ეს გაგიადვილებთ არჩევანის გაკეთების პროცესს.

 

- ადამიანთა დიდი ნაწილისათვის ბინის ფასი ყველაზე მნიშვნელოვანი  ფაქტორია, მაგრამ არ დაგავიწყდეთ იმის გარკვევა, თუ რა მასალით აშენებს ესა თუ ის კომპანია საცხოვრებელ სახლებს. შეძლებისდაგვარად,  უპირატესობა მიანიჭეთ უკოლოგიურად სუფთა მასალის მომხმარებელ ფირმებს.

 

- გადახედეთ, გადაამოწმეთ იმ სამშენებლო კომპანიის ისტორია და რეპუტაცია,  რომელზეც არჩევანს შეაჩერებთ, დარწმუნდით, რომ დათქმულ დროს ჩაგბარდებათ ბინა.

 

- ყურადღება გაამახვილეთ საცხოვრებელი სახლის მდებარეობაზე, ზოგისთვის მნიშვნელოვანია ცენტრალურ უბნებში ცხოვრება, ზოგი კი გარეუბნებს ანიჭებს უპირატესობას, მაგრამ მთავარი მაინც სოციალურ ტრანსპორტთან,   სავაჭრო ობიექტებთან და სკვერებთან სიახლოვეა. მაგრამ გზასთან სიახლოვეც არ არის კარგი, ხმაურის, გამონაბოლქვის და ხშირ შემთხვევაში,  ეზოს არქონის გამო. ასეთ დროს ჭირს სარეცხის დაფენაც, რადგან, მოგეხსენებათ სველი ტანისამოსი ადვილად იკიდებს სუნს.

 

- უკეთესია, თუ თქვენი ბინა საცხოვრებელი კომპლექსის ნაწილი იქნება, რადგან ასეთ შემთხვევაში თქვენ გექნებათ საკუთარი ავტოსადგომი, საკუთარი სკვერი და საბავშვო მოედანი. ამ დროს მეტად დაცული ხარ და ბავშვის ეზოში ჩაშვებისაც არ გეშინია.

 

- შეარჩიეთ თქვენთვის სასურველი კვადრატი, სართული და უპირატესობა მიანიჭეთ ნათელ ბინას. თუ ღამის ხედები მოგწონთ ზედა სართულები განიხილეთ და თუ სიმაღლე და ლიფტი გაშინებთ ქვედა სართულებით დაინტერესდით.

 

- მნიშვნელოვანია სამეზობლო წრე, ეცადეთ წინასწარ გაარკვიოთ როგორ გარემოში და როგორ ადამიანებთან ერთად მოგიწევთ ცხოვრება ( შემდგომი პრობლემების თავიდან აცილების მიზნით). 

 

- დაბოლოს, ყველა თანხმდება, რომ უძრავი ქონების შეძენის პროცესი ძალიან დამღლელი, ზედმიწევნით გასათვალისწინებელი და „კენწეროში ტკბილია“.