2018 წელი უკვე დადგა და თუ თქვენ სახლის მოწყობა-განახლება-გახალისებას ფიქრობთ, დროა გაეცნოთ წლევანდელ ტრენდებს, რომლებსაც გვთავაზობენ ცნობილი ინტერიერის დიზაინერები, რომლებიც კონკრეტულად სხვადასხვა მიმართულებით მუშაობენ, მაგალითად, შპალერის და კედლის დიზაინი, ფერების და საღებავების და სხვ. 2018 წელს, ფერებში, ძირითადად,  ორი მთავარი დეტალი იკვეთება, ესაა- ნატურალური და კომფორტული და გამბედავი ფერები.

PPG Paints- წელს გამბედავ და მოულოდნელ  ფერებს გვთავაზობს, განსაკუთრებით ფერმკრათალ შავს და ლურჯის და იისფერის რბილ კომბინაციას. გვირჩევენ, რომ ეს ფერები გამოვიყენოთ, მაგალითად კარების ჩარჩოს ან სამზარეულოს კუნძულის შესაღებად.

Benjamin Moore-  2018 წელს აქცენტს ენერგიულ და ხალისიან ფერებზე აკეთებს. ის გამოდის 2017 წლის ჩრდილების მისტიკური კომბინაციიდან და გვთავაზობს წითელ ფერს. ამბობს, რომ წითელი ფერი, სულ მცირე დეტალიც კი, სივრეს ხალისიანს და სიცოცხლით სავსეს ხდის. მას აქვს არჩეული წითლის სხვადასხვა ელფერი-ნათელი და მუქი, თბილი და ცივი და სხვ.

Sherwin-Williams- წელს ნეიტრალურ მიდგომას ანიჭებს უპირატესობას, თვლის, რომ ფერებმა  უნდა შექმნან მშვიდი და კომფარტული გარემო, ამ ყველაფერს კი ფერების ნეიტრალიზმი და სიგლუვე შექმნის.

Dulux by Akzo Nobel- წელს უპირატესობას ბუნებრივი ხის ფერს ანიჭებს. თვლის რომ ნებისმიერ შემთხვევაში,ფერი იქნება თბილი თუ ცივი, ის სახლში და წყვილის ცხოვრებაში სიმყუდროვეს და კომფორტს ქმნის.

Graham & Brown- გვთავაზობენ თბილ და სუფთა ვარდისფერს. თვლიან, რომ ფერები აისახება პიროვბენაზე, მის ხასიათსა და შეხედულებაზე. გვირჩევენ, რომ ავირჩიოთ ნატურალური და კომფორტული ფერები, ისინი ფერების სეზონური პალიტრის ცვალებადობას  თავისუფლად მოერგებიან.

Dunn Edwards- 2018 წელს წინა პლანზე მწვანე ფერი გამოაქვს. მწვანისა და რეტრო სტილის აქსესუარების შეხამება ნოსტალგიურ განწყობას ქმნის.