უძრავი ქონების სააგენტო Myclient.ge დადებითად აფასებს საკრებულოს და მერიის მზაობას მშენებლობების რეგულაციების გამკაცრებასთან დაკავშირებით. ჩვენს კომპანია მიაჩნია, რომ პროექტების კრიტერიუმების გაწერა აუცილებელი და მნიშვნელოვანი პროცესია, ნებისმიერი ტენდერი, რომელიც ჩატარდება უნდა იყოს გამჭვირვალე და საჯარო, ამ შემთხვევაში დაინტერესეული პირები და ზოგადად, მოსახლეობა მეტად ინფორმირებული იქნება.

დღეს, მოსახლეობის ნაწილი არსებულ მშენებლობებს და მათს ხარისხს ეჭვის თვალით უყურებს, ამის მიზეზი კი სხვადასხვა ფაქტორი შეიძლება იყოს- ზოგი ფიქრობს, რომ მშენებლობები უხარისხო მასალით მიმდინარეობს, ზოგის აზრით მშენებლობის დროს არ იცავენ უსაფრთხოების ნორმებს, რომლებშიც სტიქიური უბედურებების(მიწისძვრა, ქარიშხალი) ფაქტორებიც უნდა იქნეს გათვალისწინებული. ზოგი კი თვლის, რომ ხანძარსაწინააღმდეგო სისტემის გამართვას არ ექცევა სათანადო ყურადღება და სხვ.

იმისთვის, რომ მოსახლეობის და მშენებლობაში მონაწილე კომპანიების ინტერსებიც დაცული იქნეს აუცილებლად უნდა გამკაცრდეს რეგულაციები, რომლებიც გააკონტროლბენ მშენებლობის ხარისხს, უსაფრთხოების ნორმებს და მშენებლობის მიმდინარეობას.  პროექტის დასრულების შემდეგ კი ექსპერტების შეფასებაზე ხელი ყველა დაინტერესებულ პირს უნდა მიუწვდებოდეს, ამით მოსახლეობის უფლებები მეტად იქნება დაცული.

 შეგახსენებთ , რომ თბილისის საკრებულოს ორი კომისიის გაერთიანებულ სხდომაზე საკრებულოს ურბანული განვითარებისა და საქალაქო მეურნეობის კომისიის თავმჯდომარემ რევაზ სოხაძემ მშენებლობების უსაფრთხოების ნორმების კიდევ უფრო გამკაცრების აუცილებლობაზე ისაუბრა.