Myclient.ge-ს ინფორმაციით მუნიციპალური ინფრასტრუქტურული პროექტების სატენდერო დოკუმენტაციაში ცვლილებები შედის. ამიერიდან ხარისხის კონტროლი მაქსიმალურად გამკაცრდება. შემოწმებები დაიწყება დაპროექტების საწყისი ეტაპიდანვე! აუცილებელი გახდება სატენდერო  დოკუმენტაციის ტექნიკური და ხარისხობრივი ექსპერტიზა. იმის გათვალისწინებით რომ მუნიციპალური ინფრასტრუქტურული პროექტები გათვლილია მოსახლეობისათვის პირობების და მომსახურების გაუმჯობესებისათვის, მაქსიმალურად უნდა იქნეს გათვალისწინებული ნებისმიერი პროექტის ხარისხი და უსაფრთხოება, სწორედ ამისთვის პროექტების დაწყების, მსვლელობის და დამთავრების მაქსიმალურად მკაცრი კონტროლი იგეგმება.

Myclient.ge-ს ვარაუდით ტენდერების გამკაცრება გამოიწვია ბოლო დროს ქვეყანაში განვითარებულმა მოვლენებმა და გამოვლენილმა ხარვეზებმა, რომლებმაც, ადამიანების ჯანმრთელობას შეუქმნა საფრთხე, საუბარი გვაქვს ვარკეთილის მეტროში ჭერის ჩამონგრევის ფაქტზე და ასევე მშენებლობების დროს მომრავლებულ უბედურ შემთხვევებზე, რომლებიც, სამწუხაროდ, ფატალური შედეგი მოგვცა.