საქართველოში ხშირია შემთხვევა, როცა ადამიანები თავიანთ დანაზოგს ინვესტიციის სახით უძრავ ქონებაში ჩადო. უძრარვი ქონების შესაძენად ყველაზე მარტივ გზად კი მშენებარე კორპუსები ესახებათ, რადგან შედარებით დაბალი ფასის გადახდა, თანაც ხშირ შემთხვევაში ეტაპობრივად გადახდა უწევთ. რა თქმა, უნდა შეღავათები კარგია, თუმცა,  პრაქტიკაზე დაყრდნობით მშენებარე კორპუსებში ფართის შეძენა ბევრ რისკს შეიცავს, რასაც მოქალაქეები უმეტესად არ ითვალისწინებენ. პრაქტიკიდან გამომდინარე, ყველაზე ცუდი შედეგი, რაც მშენებარე კორპუსში ფართის შეძენას მოჰყოლია, ის არის, რომ მშენებლობა არ დასრულდა, ბინა, რომელშიც თანხა წინასწარ გადაიხადა, ვერ მიიღო და უსახლკაროდ დარჩა. 
 

 ბოლო პერიოდში, სამშენებლო კომპანია „სვეტის“ ირგვლივ განვითარებულვა მოვლენებმა, კერძოდ იმან, რომ კომპანიას მშენებლობის ნებართვა შეუჩერდა, ის, რომ კომპანიას ფინანსური პრობლემები აქვს, რის გამოც მშენებლობის პროცესიც შეფერხებულია, უამრავი ადამიანი დიდი რისკის წინაშე დააყენა. თუმცა, რა თქმა უნდა, ეს არ ეხება მხოლოდ „სვეტს“, რადგან დრეს საქართველოში ბევრი კომპანიაა, რომლებსაც   ბევრი შეუსრულებელი ვალდებულება და უამრავი უკმაყოფილო კლიენტი ჰყავთ.

ალბათ, ყველას აინტერესებს, როგორ უნდა მოვიქცეთ, რა უნდა გავაკეთოთ, რომ ჩვენც ანალოგიურ სიტუაციაში არ აღმოვჩნდეთ? იმის შესახებ, თუ რა უნდა გაითვალისწინოთ მშენებარე კორპუსში ფართის შეძენისას, უძრავი ქონების სააგენტო Myclient.ge-ს დამფუძნებელი, იურისტი ოთარ კაჭკაჭაშვილი ისაუბრებს.

 იურისტი განმარტებით, ფართის შეძენა მშენებარე კორპუსში, რომლის მშენებლობაც ხელშეკრულების დადებისას დაწყებულიც კი არ არის, შემძენისათვის მნიშვნელოვან საფრთხეებთანაა დაკავშირებული. „მოქალაქეებს, რომელთაც კონსულტაციის მიზნით მოუმართავთ, ვურჩევ ხოლმე, რომ ასეთი ხელშეკრულების დადებისგან თავი შეიკავონ, რაგან ამ შემთხვევაში ისინი სამშენებლო კომპანიასთან დებენ არა ნასყიდობის, არამედ ნარდობის ხელშეკრულებას. თუმცა, რისკებისგან დთავის დაზღვევის მიზნით მიზანშეწონილია, ხელშეკრულება, რომელსაც მხარეები უმეტესად წინარე ნასყიდობის ხელშეკრულებას უწოდებენ საჯარო რეესტრში დარეგისტრირდეს.“

ამ შემთხვევაში საფრთხეებს ავირიდებთ?

  არა, ეს რასაკვირველია, ვერ უზრუნველყოფს საფრთხეების თავიდან აცილებას, რადგან  შენობის ექსპლუატაციაში ჩაბარებამდე, ის მესაკუთრე, რომელსაც ფართი აქვს შეძენილი, ითვლება მშენებარე ფართის მესაკუთრედ. მაშინ, როცა  მშენებლობის პროცესში სამშენებლო კომპანიის ფინანსური მდგომარეობა მნიშვნელოვნად უარესდება, რის გამოც ვეღარ ხერხდება მშენებლობის დასრულება, შემძენს კი ბინის საფასური სრულად აქვს გადახდილი, რასაკვირველია, პასუხისმგებლობა ვალდებულების შეუსრულებლობისათვის ეკისრება სამშენებლო კომპანიას; თუმცა ხშირად ასეთ კომპანიებს დიდი დავალიანებები აქვთ საგადასახადო სამსახურის მიმართ და ფიზიკური პირებისთვის თანხის უკან დაბრუნებაც მხოლოდ საგადახადო ორგანოს დავალიანებების დაფარავის შემდეგ შეიძლება, დაეკისროს.   დაბრუნება.    

რა რეკომენდაციას მისცემდით  მოქალაქეებს ამ საკითხთან დაკავშირებით?

როგორც უკვე აღვნიშნეთ, მშენებარე კორპუსში ბინის შეძენას შემძენისათვის მნიშვნელოვანი საფრთხეები ახლავს თან, თუმცა თუ მაინც გადაწყვეტენ ასეთი ბინის შეძენას, აუცილებელია, კარგად გაეცნონ ხელშეკრულების პირობებს, გაითვალისწინონ ყველა რისკი, ასევე შეუძლიათ, რომ სამშენებლო კომპანიისგან საბანკო გარანტიაც კი მოითხოვონ და ამის შემდეგ მიიღონ გადაწყვეტილება.