თანამედროევე ადამიანის ინტერესის სფეროები მუდმივად იზრდება. მაშინ, როცა სამყარო ასეთი მრავალფეროვანი გახდა, ყველა ცდილობს შექმნას თავისი ინდივიდუალური სამყარო, რომელიც ცხოვრებას  გაულამაზებს და დაავიწყებს ყოველდღიურ რუტინას.

 

 

ფსიქოლოგები თანხმდებიან, რომ ადამიანისთვის ყველაზე კარგი დასვენებისა და განტვირთვის ადგილი  სახლია, განსაკუტრებით თუკი ის ზუსტად ისეა მოწყობილი, როგორი ხასიათისა და გემოვნებისაც თავად ადამიანია.

 

რთულია, გარემო ზუსტად ისე მოაწყო, როგორც ჩაფიქრებული გაქვს, მაგრამ არის დეტალები, რომელთტა გათვალისწინებაც ადამიანს ძალიან დაეხმარება ამ მნიშვნელოვანი საქმის იდეალურად შესრულებაში.

 

მაშ ასე, როგორ მოვაწყოთ ჩვენი სახლის ინტერიერი? აღნიშნულთან დაკავშირებით  უძრავი ქონების სააგენტო „Myclient.ge“ საინტერესო და საჭირო რჩევებს მოგცემთ.

 

თანამედროვე ადამიანები ინდივიდუალიზმითა და განსხვავებულზე ორიენტირებულობით გამოირჩევიან, თუმცა, არის საკითხები, სადაც ინდივიდუალურობაზე ზეგავლენას მოდურ სამყაროში არსებული ტენდენციები ახდენს.

 

სამოსი, ფეხსაცმელი, მაკიაჟი, ინტერიერი- ეს იმ სფეროთა მცირე ჩამონათვალია, რომლებზეც მოდა ძალიან დიდ გავლენას ახდენს.

 

გაინტერესებთ, როგორია 2018 წლის მოდური ტენდენციები ?

 

მოდურმა სამყარომ გადაწყვიტა, რომ 2018 წლის ტენდენციებში მყვირალა და ხასხასა ფერები დომინირებს. უშუალოდ ინტერიერში კი ამ ფერებს სივრცის ზონირება და რბილი ავეჯიც ემატება. 

 

  
2018 წლის ინტერიერის ყველაზე მოდური ფერების ტოპ შვიდეული ასე გამოიყურება:
 

ყვითელი

მუქი მწვანე

შავი

მოცისფრო-მონაცრისფრო-მომწვანო

ცისფერ-ნარინჯისფერი

ვარდისფერი

ნარინჯისფერი

ოქროსფერი დეკორი

 

•  როგორც აღმოჩნდა, ყვითელი  2018 წლის ყველაზე მოდური ფერი ყოფილა; თანაც არა უბრალოდ ყვითელი, არამედ მუქი ყვითელი. ალბათ იფიქრებთ, ყვითელი ძალიან მყვირალა ფერია და სახლის ინტერიერს ძალიან გადატვირთავსო, მაგრამ არ არის აუცილებელი ყვითელი ფერით მაინცდამაინც კედლები შეღებოთ, საკმარისი იქნება თქვენს ინტერიერში ყვითელი ფერი მცირე დოზით, სხვადასხვა გემოვნებიანი ნივთით (მაგალითად, ყვითელი ფერის სავარძელი ან გემოვნებიანი ჟურნალების მაგიდა) განავრცოთ.   

 

                        

 

•  შემდეგ ადგილს იკავებს მწვანე ფერი, რომელიც  უკვე რამდენიმე სეზონია, ფავორიტ ფერად არის მიჩნეული.  მუქი მწვანე ფერი ისევ აქტუალურია, თუმცა შეიმჩნევა მისი უფრო ბუნებრივი მწვანისკენ გადახრის ტენდენცია, მაგალითად, როგორიც არის ავოკადოს ფერი.  ეს ფერი ძალიან კარგად ეხამება იასამნისფერს, ყვითელს, ალუბლისფერსა და თეთრს. დიზაინერების აზრით, ეს ფერი ჯანმრთელობის სიმბოლოა და ძალიან უხდება სოფთ-მინიმალიზმის სტილის მისაღებს. 

 

                         

 

 

ელეგანტური შავი

2018 წლის ინტერიერის ერთ-ერთი მნიშვნელოვანი ტრენდი ელეგანტური შავია. ნეიტრალურ როლში მას შეუძლია შეავსოს და დახვეწოს ნებისმიერი პალიტრა. თუ გსურთ, საკუთარ გარემოს ცოტაოდენი დრამატიზმი შემატოთ – დააგეთ შავი იატაკი ან დაკიდეთ შავი ჭაღი.

 

                         

 

ცისფერი გრადამავალი ფირუზისფერში

2017 წლის მსგავსად, ცისფერი 2018 წელსაც აქტუალობის პიკზე იქნება, განსაკუთრებით მისი ერთ-ერთი ტონი, რომელსაც ინგლისურად In the Moment უწოდებენ, ეს გახლავთ ცისფერის, ნაცრისფერისა და მწვანის ნარევი. 
ეს გახლავთ ოდნავ ცივი, თუმცა ძალიან მშვიდი ფერი. 
ამ ფერად შეგიძლიათ შეღებოთ სამზარეულოს კედლები, მისაღებში ამ ფერის კედლები ძალიან კარგად შეეხამებ ქათქათა თეთრ პლინტუსებს 

 

                             

 

ფორთოხლისფერ-ნარინჯისფერი დეტალები

 ეს ფერი ბევრისთვის პრეტენზიული ფერია. ვიღაცამ შეიძლება, ისიც თქვას, ზედმეტად მკვეთრიაო. მოდის სამყაროს კი პირიქით, მიაჩნია, რომ ნარინჯისფერი მზის სხივებთან ასოცირდება და იგი ადამიანის განწყობაზე დადებითად მოქმედებს. ამიტომ, თუკი თქვენს ინტერიერში მცირე დოზით მაინც შეიტანთ ნარინჯისფერ დეტალებს, ყოველთვის გექნებათ  მზიანი  და პოზიტიური განწყობა. 

 

                             

 

ვარდისფერის კომპოზიცია
2018 წელს ვარდისფერი ფერი კარგავს გენდერულ შეფერილობას და აღარ ასოცირდება მხოლოდ ქალბატონების ფერთან- ეს არის ფერი, რომელიც ერთნაირად ერგება როგორც ქალი, ისე მამაკაცის გემოვნებას. რეალურად, ვარდისფერი ერთ-ერთი ყველაზე სადა, დახვეწილი და მსუბუქი ფერია, რომელიც განსაკუთრებით სიმშვიდის მოყვარულ ადამიანებს უყვართ. რა თქმა უნდა, როგორც ყველა ფერს, ვარდისფერსაც სხვადასხვა ტონი აქვს და ამ ტონებიდან წელს მოდური მქრალი, გაცრეცილი ვარდისფერია, რომელიც ინტერიერს დახვეწილობასა და ელეგანტურობას სძენს. 

 

                          

ოქროსფერი დეტალები
მართალია, ამ სეზონზე აქტუალურობის მიხედვით ოქროსფერმა ბოლო ადგილი დაიკავა, თუმცა მაინც ძალიან ტენდენციურია. ძველი ეგვიპტიდან მოყოლებული დღემდე დიზაინში მას თავისი ნიშა არ დაუკარგავს და ყოველთვის ამაყად უჭირავს თავი.  მოდის სამყაროში ფიქრობენ, რომ წელს ოქროსფერი განსაკუთრებით მოდური  ფოლადთან, მარმარილოსთან და ხესთან ერთად იქნება. ეს ფერი ყოველთვის სიმდიდრესა და ბოჰემურ ცხოვრებასთან ასოცირდება.