ბარათაშვილის ქუჩაზე სახელმწიფო ელექტროსისტემის შენობის ფასადიდან ჩამოვარდნილი მინით დაშავებული მოზარდებიდან ერთ-ერთი გარდაიცვალა-ამის შესახებ ინგოროყვას კლინიკის ექიმმა ჟურნალისტებს განუცხადა.

ბარათაშვილის ქუჩაზე შუშა დღეს ჩამოვარდა, რის შედეგადაც 12-14 წლის 6 მოზარდი დაშავდა. თვითმხილველების ინფორმაციით, შენობიდან შუშა იმ დროს ჩამოვარდა, როცა სკოლის მოსწავლეები მის გასწვრივ მიდიოდნენ.  სასწრაფო სამედიცინო დახმარების ჯგუფებმა დაშავებულები თბილისის სხვადასხვა სამკურნალო დაწესებულებაში გადაიყვანეს. 

გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. მიმდინარეობს საგამოძიებო მოქმედებები.