რამდენი ადამიანიც არის, იმდენივე განსხვავებული გემოვნება არსებობსო, ნათქვამია. ჩაცმის სტილი, თმის ფერი,ბრენდები, ფილმი, წიგნი - ეს ყველაფერი მცირე ჩამონათვალია იმ ინტერესებისა, რომლებზეც ადამიანებს მუდმივად დავა აქვთ. არა და, „გემოვნებაზე არ დაობენო“, ამასაც ამბობენ, მაგრამ ფაქტია, რომ ეს გამონათქვამი მცდარია. სწორედ ამიტომ, უძრავი ქონების სააგენტო „Myclient.ge“-მ გადაწყვიტა, მოგცეთ ისეთი რჩევები, რომლებიც ყველა თქვენგანის გემოვნებასთან ახლოს იქნება.

გემოვნების საკითხს სხვადასხვა ასპექტში შევეხეთ, თუმცა, ამჯერად არჩევანი ერთ-ერთ ყველაზე საჭირბოროტო საკითხზე შევაჩერეთ. მაშ ასე, „Myclient.ge“-ს სპეციალისტების მოგცემენ რეკომენდაციებს, თუ როგორი უნდა იყოს თქვენი სახლის დიზაინი, რათა თქვენი ცხოვრების მნიშვნელოვანი ეტაპები კომფორტულად გაატაროთ.

საერთოდ, სახლის დეკორი დიზაინის მრავალ ელემენტეს მოიცავს - იატაკიდან დაწყებული ავეჯით დამთავრებული; თუმცა, არის დეტალები, რომლებიც თქვენს ინტერიერს განსაკუთრებულად მიმზიდველს გახდის.  დავიწყოთ ფერებით- ჩვენი რჩევა იქნება, სახლის მოწყობისას გამოიყენოთ ფერების, სტრუქტურების კომბინაცია, რათა თქვენი საცხოვრებელი გარემო უფრო კომფორტული, პრაქტიკული და სტუმართმოყვარე გახადოთ.

 სახლის დიზაინის შექმნისას გაითვალისწინეთ საკუთარი ინტერესები, თქვენი საქმიანობის სფერო, ჰობი და ყველაფერი, რაც ცხოვრებაში სიამოვნებას განიჭებთ. დეკორაციული ელემენტები, რომლებიც თქვენს სახლში გექნებათ, ყოველთვის თქვენს ხასიათზე მეტყველებს.მაგალითად, ღია ფერის ავეჯი მშვიდ ატმოსფეროს ქმნის, მძიმე ხისგან დამზადებული იატაკი კი სივრცეს სითბოს ანიჭებს. სახლის ინდივიდუალურობისა და ხასიათის ერთ-ერთი განმსაზღვრელი კი აქსესუარებია.   შესაძლოა, ეს იყოს განსხვავებული ჩაიდანი, ჭიქა, ნახატი ან ხელოვნების სხვა ნიმუში. თუ თქვენს სახლში ბებიისდროინდელი კომოდები ან უზარმაზარი საოჯახი სურათი მოგეპოვებათ, მსგავსი ნიუანსები თქვენი პიროვნებისა და ისტორიის შესახებ ბევრ რამეს ამბობს. მაშ ასე, გაეცანით აქსესუარებს, რომელთა ქონაც თქვენს სახლს ძალიან მოუხდება.   

  აქსესუარებს შორის ყველაზე დიდი მნიშვნელობა ვაზებს ენიჭებათ. ვაზების ქონის ტრადიცია ჯერ კიდევ ანტიკური საბერძნეთიდან მომდინარეობს, სადაც მას საჭმლის, სამედიცინო ნივთების და წყლის შესანახად იყენებდნენ. ვაზები გვხვდება უძველეს ჩინეთშიც, სადაც ისინი ფაიფურისგან მზადდებოდა. დღეს კი ისინი კოლექციონერებისთვის საკმაოდ ძვირად ღირებულ სიამოვნებას წარმოადგენს. თანამედროვე ვაზები სხვადასხვა სახის არსებობს: კერამიკული, კრისტალური თუ მინის. ამჟამად ფუნქციურობაზე წინ მათი დეკორაციული დატვირთვა არის წამოწეული.

ერთ-ერთი ყველაზე საჭირო აქსესუარი სახლში ფარდაგებია. საბედნიეროდ, მისი ნიმუში, ფერები და ფორმები უსასრულოდ ბევრი არსებობს. ანტიკური ფარდაგები კი თაობებს გადაეცემა ხოლმე. უძველესი ხალიჩა ძვ. წ. 500 წლით თარიღდება და მისი ისტორია ირანიდან მოდის. სპარსულ ხალიჩებს, დღესდღეობით, ყველაზე მდიდარი კოლექციონერები აგროვებენ. მომხმარებელი უპირატესობას ხელით შექმნილ ხალიჩებს ანიჭებს. ამ მოთხოვნის დასაკმაყოფილებლად, ირანი ყოველწლიურად 500 მილიონი დოლარის ღირებულების ხელნაკეთ ფარდაგებს აწარმოებს.

შემდეგი აუცილებელი ატრიბუტი სახლში სარკეა. ეს ერთ-ერთი იაფი, ეფექტური საშუალებაა იმისთვის, რომ ჩვენი საცხოვრებელი გარემო უფრო მეტად დავხვეწოთ. იატაკიდან ჭერამდე სიგრძის სარკეები სივრცეს ვიზუალურად გაზრდის, სარკე კი, რომელიც ფანჯრებთან გვხვდება, სახლში უფრო მეტ ბუნებრივ სინათლეს გაავრცელებს. უძველესი სარკეები პირველ საუკუნეში გხვდება. ისინი ვერცხლისა და ბრინჯაოს ნაწილებისგან მზადდებოდა. ხელისა თუ მთლიანი სხეულისთვის განკუთვნილი სარკეები შუა საუკუნეებში გვხვდება. რენესანსის პერიოდში კი ამას მინაც დაემატათ, რომელმაც გამოსახულება გააუმჯობესა.

სანთლები თქვენს სახლს სითბოს, სინათლეს, სიმყუდროვეს და რომანტიკულობას მიანიჭებს. ეს მართლაც რომ საჭირო აქსესუარია. სანთლებს დიდი ისტორია აქვთ. გარდა დეკორატიული დატვირთვისა, ისინი მრავალ რელიგიაშიც გვხვდება. დღესდღეობით, პოპულარულია დეკორატიული სანთლებიც, რომლებიც არ ანათებს.

 ზოგიერთი ადამიანისთვის კი საუკეთესო აქსესუარი საერთოდაც არაფერია. ეს კონცეპტი მინიმალისტური სტილისთვის არის პოპულარული. მინიმალიზმისთვის ფერები და სტრუქტურაა მთავარი. იატაკი და სხვა ზედაპირი, ავეჯის გარდა, თავისუფალია. ეს მაინცდამაინც არ ნიშნავს იმას, რომ სახლი აქსესუარებისგან საერთოდ ცარიელი უნდა იყოს. უბრალოდ თქვენი დეკორაციული ნივთების რაოდენობა უნდა შეამციროთ. ეს სტილი თავისი მოვლის სიმარტივით არის მიმზიდველი. ასევე მარტივია თვალისთვის აღსაქმელადაც