უძრავი ქონების შეძენისას დიდი ყურადღება და ბევრი მნიშვნელოვანი დეტალის გათვალისწინება გვმართებს, რადგან ხშირად უძრავი ქონება, რომლის შეძენასაც ვაპირებთ, ისეთ სამართლებრივ პრობლემებს ატარებდეს, რომელზეც წარმოდგენაც არ გვაქვს.

 უძრავი ქონების სააგენტო „Myclient.ge“-ს ბროკერების ინფორმაციით, „ხშირია შემთხვევები, როდესაც პირი ყოველგვარი გადამოწმების გარეშე ყიდულობს უძრავ ქონებას, არსებულ პრობლემებს კი გვიან აღმოაჩენენ ხოლმე. ხშირია ასევე შემთხვევები, როცა უძრავი ქონების შეძენისას ე.წ. მაკლერებს მიმართავენ, რომლებიც ხშირად კლიენტებს ატყუებენ, რაც ცალკე პრობლემაა“.

 რა უნდა გავითვალისწინოთ ბინის, ან კომერციული ფართობის შეძენისას?

 უძრავი ქონების სააგენტო „Myclient.ge“-ს დირექტორს, გვანცა გუჯელაშვილს მიაჩნია, რომ უძრავი ქონების შეძენისას ყველაზე სწორი ნაბიჯი უძრავი ქონების სააგენტოში მისვლა და პროცედურაში პროფესიონალი ბროკერების ჩართვაა.

„დღეს, როცა ინტერნეტი  ყველასთვის ხელმისაწვდომია, რა თქმა უნდა, შესაძლებელია, განცხადებების განთავსება და ნახვა ინტერნეტშიც შესაძლებელია, თუმცა, აპრიორია, რომ პროფესიონალების დახმარებით ბევრად დიდ დროსა თუ ენერგიას დაზოგავთ და ამავდროულად, მათი რჩევით, გადაწყვეტილებასაც თქვენი ინტერესების გათვალისწინებით მიიღებთ“.

 როგორ მუშაობენ საქართველოში უძრავი ქონების სააგენტოები,  როგორია მათი საქმიანობის სპეციფიკა და რატომ უნდა მიმართონ მოქალაქეებმა მათ, ამის თაობაზე უძრავიქონების სააგენტო „Myclient.ge“-ს დირექტორი უფრო ვრცლად  მოგვიყვება.

 გუჯელაშვილის თქმით, საქართველოში უძრავი ქონების სააგენტოსთან თანამშრომლობისა და მიმართვიანობის პრაქტიკა თანდათან იზრდება.  მიხარია, რომ მოქალაქეებმა ფეხი აუწყვეს ტენდენციას და მზად არიან, ბროკერების მომსახურებაში გარკვეული თანხის გადახდის სანაცვლოდ მიიღონ სწორი გადაწყვეტილებები და უძრავი ქონება ყველა რისკის გამორიცხვით შეიძინონ.

 რა უპირატესობა აქვს უძრავი ქონების სააგენტოს ?

 უპირატესობა არის სანდოობა. „Myclient.ge“-ს მუშაობის სპეციფიკაზე დაყრდნობით გეტყვით, რომ უძრავი ქონების სააგენტოს მთავარი პლუსი მისი მომსახურების მრავალფეროვნებაა. ჩვენ ერთგვარი შუამავალი რგოლი ვართ მესაკუთრესა და პოტენციურ მყიდველს შორის და მომხმარებელს ძალიან ფართო მომსახურების სერვისს ვთავაზობთ. „Myclient.ge“-ს უპირატესობა გარდა იმისა, რომ პროფესიონალი ბროკერები ჰყავს, ის არის, რომ ამ გუნდში პროფესიონალი იურისტებიც მუშაობენ, რაც, ყველა დამეთანხმება, რომ ძალიან საჭიროა ამ სფეროსთვის. ერთია, რომ ბროკერი უძრავი ქონების მოძებნა-შეძენაში დაგეხმაროს, მაგრამ მეორე მისი სამართლებრივი პრობლემების გარეშე შეძენაა. შესაძლოა, უძრავი ქონება იპოთეკით იყოს დატვირთული, შესაძლოა, ყადაღა ედოს ან კიდევ ბევრი სხვა ისეთი სამართლებრივი პრობლემა ჰქონდეს, რომელთა დაგვიანებულად აღმოჩენა ძალიან სახიფათო და პრობლემური აღმოჩნდეს. ჩვენი იურისტები კი მომხმარებელს სწორედ ამ რისკებისგან თავის არიდების გარანტიას აძლევენ“.

 გვანცა გუჯელაშვილს მიაჩნია, რომ ე.წ. „მაკლერების“ მომსახურება უძრავი ქონების სააგენტოებმა უნდა ჩაანაცვლონ. „უძრავი ქონების სააგენტოების მომხმარებელთა რიცხვი მუდმივად იზრდება, რაც ძალიან კარგი და მისასალმებელია, თუმცა, იმისთვის, რომ ეს ტენდენცია საფუძვლიანად დამკვიდრდეს, აუცილებელია, რომ ე.წ. მაკლერების დახმარების ტრადიცია საბოლოოდ დასრულდეს, რადგან გარდა იმისა, რომ ისინი სამართლებრივ დაცულობას ვერ უზრუნველყოფენ, მათი მომსახურება უძრავი ქონების სააგენტოებისგან განსხვავებით ძალიან ძვირიც არის. “