გარემოს ეროვნული სააგენტოს  ინფორმაციით, ვერეს ხეობა აყვანილია უპრეცედენტო მონიტორინგის ქვეშ, რაც გულისხმობს იმას, რომ ვერეს ხეობაში დამონტაჟებულია 5 სადგური და იმ შემთხვევაში, თუ უხვი ნალექი მოვა და წყალი მოიმატებს, გარემოს ეროვნული სააგენტო სხვადასხვა წერტილებიდან მიიღებს ონლაინ ინფორმაციას და გადასცემს შესაბამის უწყებებს.

ვერეს ხეობაში მშენებლობები კვლავ მიმდინარეობს. ექსტრემალური მოვლენების 100%-ით გამორიცხვა არ შეიძლება, მაგრამ გარემოს ეროვნულმა სააგენტომ უწყებათაშორისი კომისიის დავალების შესაბამისად, ის რისკის ზონა გამოკვეთა, სადაც ნებისმიერი მშენებლობა აკრძალულია. რისკის ზონიდან გაასახლეს მოსახლეობაც და არანაირი ტიპის საქმიანობა დაშვებული არ არის.