საცხოვრებელი სახლის შეძენისას ადამიანები ბევრ დეტალს ითვალისწიენებენ. განსაკუთრებულ ყურადღებას უთმობენ შენობის ხარისხს, ინტერიერს და ა. შ. თუმცა, ამ ძალიან საპასუხისმგებლო პროცესში არის რიგი საკიხები, ერთი შეხედვით უმნიშვნელო ნიუანსები, რომლებიც არანაკებ საყურადღებოა.

  უძრავი ქონების სააგენტო, „Myclient.ge“ გთავაზობთ რჩევებს, რომლებიც აუცილებლად უნდა გაითვალისწინოთ საცხოვრებელი სახლის შეძენისას.

1.  ბინის ყიდვამდე (მით უმეტეს ახლადაშენებულ სახლში), უცილებლად გაარკვიეთ, თუ რა იყო წარსულში იმ ადგილას, სადაც ახლა თქვენი პოტენციური სახლია. გარდა წარსულისა, გამოიკვლიეთ მომავალი; ანუ, გაიკითხეთ, ხომ არ იგეგმება ტერიტორიის მიმდებარე ახალი კორპუსების, საწარმოების, საავტომობილო გზების აშენება.

2.  სასურველია, გაარკვიოთ, როგორი მასალით ნაშენებ სახლში ყიდულობთ ბინას: მონოლითურში, საპანელო თუ აგურის (სამივე ტიპის თავისი პლიუს-მინუსები აქვს). ცნობისთვის: ახლადაშენებული და მშენებარე სახლების უმრავლესობა, მონოლითია.

3. ნებისმიერ ადამიანს სურს, რომ უბანი სადაც ის ცხოვრობს, კეთილმოწყობილი, სუფთა და კარგად გამწვანებული იყოს. ბავშვის გასასეირნებლადაც  მოიძებნებოდეს ადგილი და ცხოველების გამოსაყვანადაც. ამიტომ, ბინის არჩევისას ყურადგება უნდა მიექცეს ეზოს განლაგებას, რამდენად ხშირად მოძრაობს იქ ავტოტრანსპორტი, არის თუ არა კუთხე ბავებისთვის, გამწვანება, სპორტული მოედანი და ა.შ

4. ბევრ ახალაშენებულ სახლში ავტოფარეხი მიწის ქვეშ არის გათვალისწინებული, რაც ძალიან კარგია. ერთი ის, რომ ამით პარკირების პრობლემა იჭრება და მეორე ის, რომ თქვენთვის ეს ძალიან კომფორტულია. წარმოიდგინეთ, გარეთ წვიმს, ავდარია და ამ დროს თქვენს მანქანას გარეთ დაყენების ბაცვლად, შენობის ქვემოთ, კომმფორტულად დააყენებთ.     მიწისქვეშა ავტოფარეხის კიდევ ერთი უპირატესობა ის არის, რომ ის ყოველთვის დაცულია „არასასურველი სტუმრებისგან“.   

5. უკანასკნელ დროს, ახლადაშენებულ ბინებს, როგორც ტიპური პროექტით,ისე - თავისუფალი დაგეგმარებით სთავაზობენ მყიდველს. ერთი შეხედვით, რა ჯობია, როცა ბინას საკუთარი გემოვნებით მოაწყობ; ოთახების რაოდენობას, სიდიდესა და განლაგებას თვითონ განსაზღვრავ, მაგრამ, პრაქტიკაში ყველაფერი ისეთი ვარდისფერი არ არის, როგორც  ერთი შეხედვით ჩანს. გამოუცდელი შემკვეთს შეიძლება, ისე გაეზარდოს ხარჯები, რომ თავ-ბედი საწყევლი გაუხდეს. ამდენად, ამ საკითხზეც სერიოზული დაფიქრება გმართებთ. თუ ოდნავ მაინც გეპარებათ ეჭვი საკუთარ შესაძლებლობებში, ჯობია სპეციალისტებს ენდოთ.