მშენებლობებზე არსებული დარღვევების გამო, 120 ობიექტის მშენებლობაა შეჩერებული. ამის შესახებ  დედაქალაქის მერიის  სხდომაზე კახა კალაძემ განახცადა. 

მისი ინფორმაციით, სამშენებლო უსაფრთხოების იგნორირების გამო დარღვევით მიმდინარე პროექტებზე გაფრთხილება მიცემული აქვს 500 ობიექტს, მათგან დაჯარიმებულია 272 სამშენებლო ობიექტი. 

უფრო კონკრეტულად, ამ ეტაპზე სამშენებლო უსაფრთხოების იგნორირების გამო ან დარღვევით მიმდინარე პროექტებზე, გაფრთხილება მიცემული აქვს 500 ობიექტს, მათგან უკვე დაჯარიმდა 272 სამშენებლო ობიექტი. შეჩერების დადგენილება ამოქმედდა 120 ობიექტის მიმართ.

„ჩვენ დავიწყეთ და მომავალში კიდევ უფრო მეტი სიმკაცრით მივუდგებით უკანინო და სხვადასხვა სახის კანონდარღვევით მიმდინარე მშენებლობებს",- აცხადებს კალაძე.

მშენებლობების მოსალოდნელ შეჩერებასთან დაკავშირებით უძრავი ქონების სააგენტო „Myclient.ge“ გასულ კვირასაც წერდა.

 დედაქალაქის მერის მიერ დღეს გამოქვეყნებულ სტატისტიკას „Myclient.ge“-ს დირექტორი, გვანცა გუჯელაშვილიც გამოეხმაურა.  მისი თქმით, „ეს სტატისტიკა მოულოდნელი ნამდვილად არ იყო. აქამდეც არაერთხელ გვითქვამს, რომ დედაქალაქში მიმდინარე მშენებლობები კანონდარღვევებით მიმდინარეობს, რის გამოც ბევრ კომპანიას მშენებლობის ნებართვა შეუჩერდებოდა. გასულ კვირას, როცა ნებართვა სამშენებლო კომპანია „სვეტს“ შეუჩერდა, დარწმუნებული ვიყავი,რომ ეს პროცესი კვლავ გაგრძელდებოდა. რა თქმა უნდა, ეს ძალიან სამწუხარო ფაქტია, მაგრამ იმ რისკების აღმოფხვრა, რაც დღეს სამშენებლო სფეროშია, ზომების გამკაცრების გარეშე წარმოუდგენელია“.