„მწვანე კარკასი მოიცავს სხვადასხვა ფუნქციონალური და საბაზისო დანამატებს თეთრ კარკასზე, ისევე როგოც თანამედროვე ადამიანის კომფორტისთვის საჭირო ტექნოლოგიის დანერგვას. მწვანე კარკასის შეძენის შემთხვევაში, მფლობელს ბინაში საცხოვრებლად გადასასვლელად მხოლოდ მსუბუქი კოსმეტიკური რემონტის გაკეთება დასჭირდება“ -ვკითხულობთ სხვადასხვა სამშენებლო კომპანიის ვებ-გვერდზე და ვეცნობით იმ ჩამონათვალს, რომელსაც მათი თქმით, ბინის მდომარეობა ე.წ. „მწვანე კარკასი“ ეწოდება.

  რას უწოდებენ სამშენებლოები მწვანე კარკასს? ქართულ ბაზარზე მწვანე კარკასს უწოდებენ სახლის მდგომარეობას რომელიც მოიცავს: იატაკების მოჭიმვა ქვიშა-ცემენტის ხსნარით; შიდა ტიხრები მოწყობა ბეტონის საკედლე აკუსტიკური ბლოკით; კედლების ლესვა; მაღალი ხარისხის ფილებით მოპირკეთებული აივნები და ტერასები; ცენტრალური გათბობისა და კონდენციონერის ბლოკის სათავსო; ბინაში დაქსელილი ელექტროობა; ცენტრალური გათბობისა და ცხელი წყლის მილების მონტაჟი; ალუმინის კარ-ფანჯარა; ევროპული ლითონის ბინის ცენტრალური შესასავლელი კარი ბრედირებული საკეტით; მოპირკეთებული სადარბაზო.

 რას ნიშნავს რეალურად „მწვანე კარკასი“ და რატომ  დამკვიდრდა საქართველოში ეს ტერმინი ამ ფორმით, უძრავი ქონების სააგენტო „Myclient.ge“-ს ბროკერებისგან მოვისმენთ.

 სპეციალისტების თქმით, ტერმინი მწვანე კარკასის გამოყენება იმ ფორმით, რომლითაც  სამშენებლო კომპანიები იყენებენ, მხოლოდ და მხოლოდ რეკლამას ემსახურება. სინამდვილეში კი, აღნიშნული ტერმინი ქართულ რეალობაში არასწორად არის გადმოტანილი და შესაბამისად, პრაქტიკაშიც შეცდომით დამკვიდრდა.

„ამ ტერმინს რა თქმა უნდა, ჩვენც ხშირად ვიყენებთ, თუმცა, ვიცით, რომ რეალურად მწვანე კარკასის მნიშვნელობა საერთოდ სხვა რამ არის,“- აცხადებენ კომპანიაში.

როგორც სპეციალისტები განმარტავენ, რეალურად მწვანე მშენებლობა თანამედროვე სამყაროს ერთ-ერთი ძვირადღირებული მშენებლობაა, რადგან იგი ბუნებრივი მასალებით ხორციელდება; ანუ, მასალა, რომელსაც მშენებლობის პროცესში გამოიყენებენ, აუცილებლად ენერგოეფექტური უნდა იყოს და მხოლოდ გენერირებული ენერგიის მოხმარება დასჭირდება. აღნიშნული მშენებლობის მთავარი ხაზი ის არის, რომ მან ზიანი არ უნდა მიაყენოს გარემოს, რაც განახლებადი (ქარის, მზის) ენერგიის გამოყენებით, მის დაზოგვას ემსახურება.  ეს ყველაფერი კი, ძალიან ძვირი სიამოვნებაა და ჩვენი ქვეყნის სამშენებლო ბაზარს თუ გადავხედავთ, არასპეციალისტიც კი მიხვდება, რომ ის, რასაც მწვანე კარკასი თავის თავში გულისხმობს, საქართველოში არც კი არსებობს. მწვანე მშენებლობები ამ ეტაპზე მხოლოდ განვითარებულ და მდიდარ ქვეყნებში გვხვდება, ისიც კონკრეტულ დასახლებებში და ეს ცალკეული დასახლებებიც ჯერჯერობით ძალიან მცირე რაოდენობით გვხვდება“.