თბილისსა და მის შემოგარენში კერძო სახლების მშენებლობა სულ უფრო პოპულარული ხდება. ბოლო პერიოდში დედაქალაქის დაუსახლებელი ტერიტორიები სწრაფად შენდება და შესაბამისად, მოთხოვნილება იზრდება მიწის ნაკვეთებზეც. 
 გაინტერესებთ, რა ღირს მიწის ნაკვეთები დედაქალაქში ? აღნუშნულთან დაკავშირებით ინფორმაციას უძრავი ქონებისსააგენტო „Myclient.ge“ მოგაწვდით. 

როგორც „Myclient.ge“-ს დირექტორი, გვანცა გუჯელაშვილი განმარტავს, მიწის ნაკვეთების ფასს სხვადასხვა ფაქტორი განაპირობებს. 

„პირველი ფაქტორი, რაც მიწის ნაკვეთის ფასზე მოქმედებს, არის ადგილმდებარეობა. მნიშვნელოვანია, თუ რამდენად ახლოა იგი ცენტრალურ გზასთან, საზოგადოებრივ ტრანსპორტთან, რამდენად განვითარებულია შემოგარენში ინფრასტრუქტურა და რამდენად გამართულია კომუნიკაციები (ზყალი, გაზი, ელექტრო ენერგია, საკანალიზაციო სისტემა დ ა.შ.),“-განმარტავს გვანცა გუჯელაშვილი. 
 
  ახლა რაც შეეხება კონკრეტულად ფასებს. გვანცა გუჯელაშვილის განმარტებით ამ ეტაპზე ყველაზე დაბალი ფასი მიწის ნაკვეთებზე არის გარე უბნებში. „გარე უბნებში მიწის ფასი მერყეობს 50-70 დოლარის ექვივალენტის ლარში ფარგლებში. დიდ დიღომშიც იგივე ფასია- 50-70 დოლარის ექვივალენტი ლარში, ამის შემდეგ ფასი იზრდება  და მაგალითად ვაკეში მიწის ნაკვეთი 100-180 დოლარის ექვივალენტი ლარში ფასდება, ხოლო ყველაზე მაღალი ფასი არის დიღის მასივსა და ძველ თბილისში, სადაც მიწის ნაკვეთის ფასი 200-300 დოლარის ექვივალენტი ლარში მერყეობს,“-განმარტავს გუჯელაშვილი.