უახლოეს წლებში კანონის სრული დაცვით თბილისში 8 მლნ კვადრატული ფართობი უნდა აშენდეს- აღნიშნულ მშენებლობებზე ნებართვა (სულ 5 150 ნებართვა) თბილისის მერიამ ბოლო 3 წელიწადში გასცა.

 ამჟამად თბილისში 3 მილიონი კვადრატული მეტრის განაშენიანება მიმდინარეობს, რაც 33 385 სახლი და 525 პროექტია. თბილისის მერიის არქიტექტურის სამსახური სამშენებლო ნებართვებს ისე გასცემს, რომ არ იცის, თბილისის რომელ რაიონში რამდენი ობიექტი შენდება- ამის შესახებ ინფორმაციას bmg ავრცელებს.

 როგორც მედიასაშუალება განმარტავს, გუნდი დაინტერესდა, თუ როგორ გაიცემა სამშენებლო ნებართვები რაიონების მიხედვით  „თუმცა არქიტექტურის სამსახურიდან ოფიციალური წერილით გვაცნობეს, რომ მსგავს ანალიტიკურ სტატისტიკას მერიის შესაბამისი სამსახური არ ფლობს. შევეცადეთ სამსახურის უფროსთან გაგვერკვია მიზეზები, თუმცა მიმდინარე რეორგანიზაციის მიზეზით თემურ ბოლოთაშვილთან შეხვედრა ვერ მოხერხდა. ამიტომ ინფორმაცია თბილისში მიმდინარე მშენებლობების შესახებ ალტერნატიული წყაროებიდან მოვიპოვეთ. მათ შორის ერთი, მერიის ზედამხედველობის სამსახურია, მეორე კი უკვე დამტკიცებული გრგ-ები - ანუ განაშენების რეგულირების გეგმები,“-ნათქვამია სიუჟეტში.

რაც შეეხება განაშენიანების რაოდენობას დედაქალაქის რაიონების მიხედვით; აღმოჩნდა, რომ ყველაზე ფართომასშტაბიანი განაშენიანება საბურთალოზე მიმდინარებს. მეორე ადგილზეა ვაკე, მესამეზე კი დიდი დიღომი. კონკრეტულად რომელ რაიონში რამდენი პროექტი შენდება, რა საბინაო ფონდს მიიღებს მათი დასრულების შემდეგ დედაქალაქი და სად რამდენი კვ.მ განაშენიანდება, იხილეთ ცხრილი:

 თბილისში მიმდინარე მშენებლობები, რაიონების მიხედვით ასე გამოიყურება