უძრავი ქონების სააგენტო „Myclient.ge“ მუდმივად აკვირდება, რა აინტერესებს მოქალაქეებს ამ სფეროსთან მიმართებით, რა სერვისი სჭირდებათ, რისი გაკეთება სურთ და ა.შ. ერთ-ერთი  საკითხი,  რომლის მოგვარებაში დახმარებისთვისაც კომპანიას მოქალაქეები ხშირად მომართავენ, უძრავი ქონების ლეგალიზაციაა. ეს უკანასკნელი ერთ-ერთი ის სერვისია, რომელსაც მოქალაქეები ხშირად ითხოვენ, რადგან უმეტესად, მათ არ იციან,  რა არის ან რა პროცედურების გავლაა საჭირო უძრავი ქონების ლეგალიზაციისთვის.  

  Myclient.ge-ს იურისტები განგიმარტავენ ყველა მნიშვნელოვან დეტალს, რაც უძრავი ქონების ლეგალიზაციისთვის არის საჭირო:

რა მოიაზრება უძრავ ქონებაში?

 საქართველოს სამოქალაქო კოდექსში უძრავი ქონება განმარტებულია, როგორც მიწის ნაკვეთი მასში არსებული წიაღისეულით, მიწაზე აღმოცენებული მცენარეები, ასევე შენობა-ნაგებობანი, რომლებიც მყარად დგანან მიწაზე.

  რეგისტრაციის მიზნებიდან გამომდინარე, „საჯარო რეესტრის შესახებ“ საქართველოს კანონის თანახმად, უძრავი ნივთი განმარტებულია, როგორც მიწის ნაკვეთი მასზე არსებული შენობა-ნაგებობით ან მის გარეშე, შენობა-ნაგებობა (მშენებარე, აშენებული ან დანგრეული), შენობა-ნაგებობის ერთეული (მშენებარე, აშენებული ან დანგრეული) და ხაზობრივი ნაგებობა. 

 

 როგორ ხდება უძრავი ქონების ლეგალიზაცია?

 

 საჯარო რეესტრის ეროვნულ სააგენტოში 2012 წლის 1 აპრილამდე შეტანილ მიწის ნაკვეთის ლეგალიზების შესახებ სარეგისტრაციო განცხადებებზე, ქალაქ თბილისის ადმინისტრაციულ საზღვრებში მდებარე სასოფლო-სამეურნეო დანიშნულების მიწის ნაკვეთების ლეგალიზების საფუძველია 2007 წლის 1 იანვრამდე კანონის დარღვევით შედგენილი:

• მიწის რეფორმის კომისიის მიერ გაცემული მიღება-ჩაბარების აქტი;
• მიწის (უძრავი ქონების) სარეგისტრაციო მოწმობა;
• მებაღეობის ამხანაგობის მიერ გაცემული წიგნაკი;
• საჯარო რეესტრიდან ამონაწერი, რომელშიც გაცემის საფუძვლად მითითებულია ზემოთაღნიშნული დოკუმენტაცია.
   

 როდის დგება უძრავი ქონების ლეგალიზების საფუძველზე საკუთრების უფლების რეგისტრაციის საჭიროება?

 

 იმ შემთხვევაში, როდესაც კანონის დარღვევითაა შედგენილი მიწის რეფორმის კომისიის მიერ გაცემული მიღება-ჩაბარების აქტი; მიწის (უძრავი ქონების) სარეგისტრაციო მოწმობა; მებაღეობის ამხანაგობის მიერ გაცემული წიგნაკი; საჯარო რეესტრიდან ამონაწერი, რომელშიც გაცემის საფუძვლად მითითებულია ზემოთაღნიშნული დოკუმენტაცია, „უძრავი ქონების ლეგალიზების შესახებ“ საქართველოს კანონი დაინტერსებულ პირს შესაძლებლობას აძლევს, აღნიშნულ მიწის ნაკვეთებზე საკუთრების უფლება მოიპოვოს.  

 

რომელ ორგანოში ხდება უძრავი ქონების ლეგალიზაცია?

 ამისთვის, ანუ უძრავი ქონების ლეგალიზების საფუძლველზე საკუთრების უფლების  რეგისტრაციისათვის  მოქალაქეებმა უნდა მიმართონ იუსტიციის სახლს ან შესაბამის ტერიტორიულ სამსახურს.

 

რა დოკუმენტებია ამისთვის საჭირო?

ესენია :

• სპეციალური განცხადება;      
• პირადობის დამადასტურებელი დოკუმენეტი;   
•  ლეგალიზების საფუძველი (2007 წლის 1 იანვრამდე კანონის დარღვევით შედგენილი: მიწის რეფორმის კომისიის მიერ გაცემული მიღება-ჩაბარების აქტი; უძრავი ქონების სარეგისტრაციო მოწმობა;
• მებაღეობის ამხანაგობის მიერ გაცემული წიგნაკი;
• საჯარო რეესტრიდან ამონაწერი, რომელშიც გაცემის საფუძვლად მითითებულია ზემოთაღნიშნული დოკუმენტაცია.
• ლეგალიზების საფასურის გადახდის დამადასტურებელი დოკუმენტი;  
• სარეგისტრაციო მომსახურების საფასურის გადახდის დამადასტურებელი დოკუმენტი (გადახდა შესაძლებელია ადგილზე);