„სითი ინსტიტუტი“ თბილისის გენგეგმის საბოლოო ვარიანტთან დაკავშირებით მერიისგან თანხმობას 28 მარტისთვის ელოდება. ამ დღეს უნდა წარმოადგინოს ასევე დედაქალაქის მთავრობამ არგუმენტები, თუ რამდენად საფუძვლიანად დაეკისრა „სითი ინსტიტუტს“ 140 ათასი ლარის ჯარიმა, - ამის შესახებ მამუკა სალუქვაძე, გენ გეგმაზე მომუშავე ჯგუფის ხელმძღვანელი აცხადებს. 

„ჩვენ დავაზუსტეთ რიგი საკითხები ზონირენის ცვლილებაში რა იყო, რომელი ზონა რითი შეიცვალა. ასევე საუბარი იყო რიგითობაზე იმ ღონისძიებების რომელიც ჩვენ შევთავაზეთ და განვუმარტეთ ეს ღონისძიებები ჩვენ როგორ გვესახება როგორ უნდა იყოს განხორციელებული ეტაპების განმავლობაში. იყო საკითხები რკინიგზასთან დაკავშირებით. 28-ში გავიგებთ რას ეთანხმება მერია, რაზე შეიძლება მსჯელობა. ჯარიმებთან დაკავშირებით მიდის საუბარი. არგუმენტაცია მოვითხოვეთ ჯარიმასთან დაკავშირებით ვნახოთ რამდენად სრულყოფილი არგუმენტაცია იქნება. ჩვენ არ ვამბობთ არც გადავიხდით და არ ვამბობთ რომ გადავიხდით. ვამბობთ რომ არგუმენტაცია იყოს მყარი რომ დავრწმუნდეთ რომ ნამდვილად ასე არის“, -განმარტავს სალუქვაძე.

წყარო: bm.ge