ბოლო პერიოდში სამშენებლო კოდექსში განსახორციელებ ცვლილებები მუდმივად განხილვის საგანია. ხელისუფლებისა და ოპოზიციის წარმომადგენლები აქტიურად დავობენ იმაზე, თუ რა შედეგის მომტანი იქნება კოდექსში ცვლილებები და იქონიებს თუ არა იგი გავლენას სამშენებლო ბაზარზე ფასებთან მიმართებით.  

 უშუალოდ ფასებთან მიმართებით, ერთი მხრივ, ხელისფულება ცდილობს, დაამტკიცოს, რომ „კოდექსი დეველოპერულ ბაზარზე ფასებს არ გაზრდის“, მეორე მხრივ კი ოპოზიცია აცხადებს, რომ „დეველოპერებისათვის სამშენებლო მასალების მაღალი სტრანდარტის დადგენის შედეგი იქნება ის, რომ ბაზარზე საცხოვრებელი ფართები გაძვირდება“.

 სახელისუფლებო ფრთის წარმომადგენელი, ეკონომიკის მინისტრის მოადგილე, ირმა ქავთარაძე ფიქრობს, რომ „სამშენებლო კოდექსი ბაზარზე ფასების ზრდას არ გამოიწვევს“, თუმცა არც იმას უარყოფს, რომ ხარისხიანი სამშენებლო მასალებით აშენებული ფართები, უხარისხო მასალებით ნაშენებზე ძვირი ღირდეს. 

„ჩვენ არ მიგვაჩნია, რომ ეს ფასების ზრდას გამოიწვევს. გამომდინარე იქიდან ,რომ ეს არის ისეთი რეგულაციები, რომელსაც საქართველო შეუერთდა ასოცირების შეთანხმებიდან გამომდინარე და ენერგოეფექტიანობა იმას ნიშნავს, რომ მოსახლოებამ უნდა დაზოგოს ენერგია, შედეგად ენერგო მოხმარება და ხარჯი უნდა შემცირდეს. უკეთესი ხარისხით თუ იქნა ნაშენები ბინა შესაძლოა იყოს უფრო ძვირი, ვიდრე უხარისხოდ ნაშენები, მაგრამ ეს ახლაც ასე ხდება. რაც შეეხება უსაფრთხოებას, უსაფრთხოების ნორმები იგივე სამშენებლო მასალების მიმართ უნდა იყოს დაცული და როდესაც ჩვენ ბინას შევიძენთ, უნდა ვიყოთ გარანტირებულნი, რომ იქ რადიაციის ფონი დასაშვებზე მეტად არ იყოს მომატებული და რომ უმცირესი რყევის გამო თავზე არ დაემხობა ბინა ადამიანს,“ - აცხადებს ირმა ქავთარაძე.

 
 რაც შეეხება ოპოზიციას; „ევროპული საქართველოს“ წევრის, ზურაბ ჭიაბერაშვილის განცხადებით, დეველოპერებისათვის სამშენებლო მასალების მაღალი სტრანდარტის დადგენის შედეგი იქნება ის, რომ ბაზარზე საცხოვრებელი ფართები გაძვირდება. არგუმენტად დეპუტატს „კოდექსის“  რეგულირების გავლენის შეფასება მოჰყავს, სადაც წერია, რომ შესაძლოა კანონის ამოქმედებით ფასები 10-15%-ით გაიზარდოს. 

 

 საინტერესოა, რას ფიქრობენ აღნიშნულ საკითხთან დაკავშირებით ის ადამიანები, რომლებიც ყოველდღიურად აკვირდებიან უძრავი ქონების ფასებს, იკვლევენ ბაზარს და ყველა მნიშვნელოვან ასპექტზე დაყრდნობით აანალიზებენ სამომავლო ცვლილებებს;

 სამშენებლო კოდექსში განხორცილებული ცვლილებების შედეგად ფასების მოსალოდნელ ზრდასთან დაკავშირებით, უძრავი ქონების სააგენტო Myclient.ge-ს დირექტორი, გვანცა გუჯელაშვილი მიიჩნევს, რომ „ამ შემთხვევაში არა ფასების ზრდა ან კლება, არამედ ის არის მნიშვნელოვანი, რა შედეგიც ცვლილებამ უნდა დადოს. ბოლო პერიოდში სამშენებლო პროცესისას ძალიან ბევრი უბედური შემთხვევა მოხდა, რაც იმისგან მომდინარეობს, რომ არ გვაქვს შესაბამისი და ქმედითი სამართლებრივი სისტემა; მეორე პრობლემაა უხარისხო მშენებლობები, რომელიც აგრეთვე დასარეგულირებელია. ფაქტია, სამშენებლო კომპანიები საკუთარი „კეთილი ნებით“ მაღალ სტანდარტებს არ იცავენ და შესაბამისად, საჭიროა რეგულაციები, რომლებიც მათ დაავალდებულებს, მაქსიმალური სიზუსტით დააკმაყოფილონ ის მოთხოვნები, რაც მშენებლობის მაღალი ხარისხით განხორციელებისთვის არის საჭირო“.

 რაც შეეხება უშუალოდ ფასების მოსალოდნელ ზრდას; გვანცა გუჯელაშვილი ამბობს, რომ „რეგულაციების გამკაცრება ბევრად მეტი ნებართვის მიღებასთან და მშენებლობის ხარისხის გაუმჯობესებასთან იქნება დაკავშირებული. კომპანიები ვალდებულები იქნებიან, მაღალი ხარისხის სამშენებლო მასალები შეიძინო, მაქსიმალურად დაიცვან იქ დასაქმებულთა უსაფრთხოება; შესაბამისად, მშენებლებს, რომლებსაც მათ დაცვას უკვე კანონი დაავალდებულებს, სამშენებლო სამუშაოების თვითღირებულება შედარებით მეტი დაუჯდებათ, ეს კი ავტომატურად უძრავი ქონების ფასზეც იმოქმედებს“.

 სამშენებლო კოდექსის გამკაცრება რომ უძრავი ქონების ფასზე აისახება, ნათელია, თუმცა, რამდენი პროცენტით მოიმატებს ამა თუ იმ ქონებაზე ფასი, ამის ვარაუდი გუჯელაშვილს უჭირს. „აპრიორია, რომ ფასები მოიმატებს, თუმცა იმის თქმა, თუ რამდენით, შეუძლებელია. ეს ბევრ რამეზეა დამოკიდებული და შესაბამისად, წინასწარ ამის თქმა უბრალოდ ტყუილი იქნება,“-ამბობს გუჯელაშვილი.

 ბოლო პერიოდში სამშენებლო კოდექსში განსახორციელებ ცვლილებები მუდმივად განხილვის საგანია. ხელისუფლებისა და ოპოზიციის წარმომადგენლები აქტიურად დავობენ იმაზე, თუ რა შედეგის მომტანი იქნება კოდექსში ცვლილებები და იქონიებს თუ არა იგი გავლენას სამშენებლო ბაზარზე ფასებთან მიმართებით.  

 უშუალოდ ფასებთან მიმართებით, ერთი მხრივ, ხელისფულება ცდილობს, დაამტკიცოს, რომ „კოდექსი დეველოპერულ ბაზარზე ფასებს არ გაზრდის“, მეორე მხრივ კი ოპოზიცია აცხადებს, რომ „დეველოპერებისათვის სამშენებლო მასალების მაღალი სტრანდარტის დადგენის შედეგი იქნება ის, რომ ბაზარზე საცხოვრებელი ფართები გაძვირდება“.

 სახელისუფლებო ფრთის წარმომადგენელი, ეკონომიკის მინისტრის მოადგილე, ირმა ქავთარაძე ფიქრობს, რომ „სამშენებლო კოდექსი ბაზარზე ფასების ზრდას არ გამოიწვევს“, თუმცა არც იმას უარყოფს, რომ ხარისხიანი სამშენებლო მასალებით აშენებული ფართები, უხარისხო მასალებით ნაშენებზე ძვირი ღირდეს. 

„ჩვენ არ მიგვაჩნია, რომ ეს ფასების ზრდას გამოიწვევს. გამომდინარე იქიდან ,რომ ეს არის ისეთი რეგულაციები, რომელსაც საქართველო შეუერთდა ასოცირების შეთანხმებიდან გამომდინარე და ენერგოეფექტიანობა იმას ნიშნავს, რომ მოსახლოებამ უნდა დაზოგოს ენერგია, შედეგად ენერგო მოხმარება და ხარჯი უნდა შემცირდეს. უკეთესი ხარისხით თუ იქნა ნაშენები ბინა შესაძლოა იყოს უფრო ძვირი, ვიდრე უხარისხოდ ნაშენები, მაგრამ ეს ახლაც ასე ხდება. რაც შეეხება უსაფრთხოებას, უსაფრთხოების ნორმები იგივე სამშენებლო მასალების მიმართ უნდა იყოს დაცული და როდესაც ჩვენ ბინას შევიძენთ, უნდა ვიყოთ გარანტირებულნი, რომ იქ რადიაციის ფონი დასაშვებზე მეტად არ იყოს მომატებული და რომ უმცირესი რყევის გამო თავზე არ დაემხობა ბინა ადამიანს,“ - აცხადებს ირმა ქავთარაძე.

 
 რაც შეეხება ოპოზიციას; „ევროპული საქართველოს“ წევრის, ზურაბ ჭიაბერაშვილის განცხადებით, დეველოპერებისათვის სამშენებლო მასალების მაღალი სტრანდარტის დადგენის შედეგი იქნება ის, რომ ბაზარზე საცხოვრებელი ფართები გაძვირდება. არგუმენტად დეპუტატს „კოდექსის“  რეგულირების გავლენის შეფასება მოჰყავს, სადაც წერია, რომ შესაძლოა კანონის ამოქმედებით ფასები 10-15%-ით გაიზარდოს. 

 

 საინტერესოა, რას ფიქრობენ აღნიშნულ საკითხთან დაკავშირებით ის ადამიანები, რომლებიც ყოველდღიურად აკვირდებიან უძრავი ქონების ფასებს, იკვლევენ ბაზარს და ყველა მნიშვნელოვან ასპექტზე დაყრდნობით აანალიზებენ სამომავლო ცვლილებებს;

 სამშენებლო კოდექსში განხორცილებული ცვლილებების შედეგად ფასების მოსალოდნელ ზრდასთან დაკავშირებით, უძრავი ქონების სააგენტო Myclient.ge-ს დირექტორი, გვანცა გუჯელაშვილი მიიჩნევს, რომ „ამ შემთხვევაში არა ფასების ზრდა ან კლება, არამედ ის არის მნიშვნელოვანი, რა შედეგიც ცვლილებამ უნდა დადოს. ბოლო პერიოდში სამშენებლო პროცესისას ძალიან ბევრი უბედური შემთხვევა მოხდა, რაც იმისგან მომდინარეობს, რომ არ გვაქვს შესაბამისი და ქმედითი სამართლებრივი სისტემა; მეორე პრობლემაა უხარისხო მშენებლობები, რომელიც აგრეთვე დასარეგულირებელია. ფაქტია, სამშენებლო კომპანიები საკუთარი „კეთილი ნებით“ მაღალ სტანდარტებს არ იცავენ და შესაბამისად, საჭიროა რეგულაციები, რომლებიც მათ დაავალდებულებს, მაქსიმალური სიზუსტით დააკმაყოფილონ ის მოთხოვნები, რაც მშენებლობის მაღალი ხარისხით განხორციელებისთვის არის საჭირო“.

 რაც შეეხება უშუალოდ ფასების მოსალოდნელ ზრდას; გვანცა გუჯელაშვილი ამბობს, რომ „რეგულაციების გამკაცრება ბევრად მეტი ნებართვის მიღებასთან და მშენებლობის ხარისხის გაუმჯობესებასთან იქნება დაკავშირებული. კომპანიები ვალდებულები იქნებიან, მაღალი ხარისხის სამშენებლო მასალები შეიძინო, მაქსიმალურად დაიცვან იქ დასაქმებულთა უსაფრთხოება; შესაბამისად, მშენებლებს, რომლებსაც მათ დაცვას უკვე კანონი დაავალდებულებს, სამშენებლო სამუშაოების თვითღირებულება შედარებით მეტი დაუჯდებათ, ეს კი ავტომატურად უძრავი ქონების ფასზეც იმოქმედებს“.

 სამშენებლო კოდექსის გამკაცრება რომ უძრავი ქონების ფასზე აისახება, ნათელია, თუმცა, რამდენი პროცენტით მოიმატებს ამა თუ იმ ქონებაზე ფასი, ამის ვარაუდი გუჯელაშვილს უჭირს. „აპრიორია, რომ ფასები მოიმატებს, თუმცა იმის თქმა, თუ რამდენით, შეუძლებელია. ეს ბევრ რამეზეა დამოკიდებული და შესაბამისად, წინასწარ ამის თქმა უბრალოდ ტყუილი იქნება,“-ამბობს გუჯელაშვილი.