თბილისის მერია კახეთის გზატკეცილზე საგზაო ინფრასტრუქტურის განხორციელებას იწყებს, - ამის შესახებ მთავრობის სდომაზე თბილისის მერმა კახა კალაძემ განაცხადა. 

 როგორც მერის მოადგილემ, ირაკლი ბენდელიანმა განაცხადა, კახეთის გზატკეცილის სარეაბილიტაციო სამუშაოებისთვის 8,5 მლნ ლარი დაიხარჯება და პროექტი ოქტომბრის ბოლომდე დასრულდება.

„ჩვენ რამდენიმე დღეა დავიწყეთ კახეთის გზატკეცილზე მარცხენა სათადარიგო ზოლის სრული აღდგენა-რეაბილიტაციის სამუშაოები. დაახლოებით, 8,5 მლნ ლარი გვაქვს წლევანდელ ბიუჯეტში აღნიშნული სამუშაოებისთვის გათვალისწინებული. სავარაუდოდ, 2 მლნ ლარის ინვეტიციებს განახორციელებს GWP. სრულად შეიცვლება საკომუნიკაციო მოწყობილობებიც და ეს სამუშაოები დასრულდება სექტემბერ- ოქტომბრისთვის. გარდა ამისა, ადგილზე მეორე ეტაპისთვის დაგეგმილია ცენტრალური ზოლების შეკეთება,“- განაცხადა თბილისის მერის მოადგილემ, ირაკლი ბენდელიანმა.

გარდა ამისა, სხდომაზე თბილისის მერმა კახა კალაძემ მის მოადგილეს გზის შეკეთებასთან ერთად გზაგამყოფები და ბორდიურები მთლიანად მოწესრიგება დაავალა.

„მესმის, რომ პროექტი არის მნიშვნელოვანი და აუცილებლად გასაკეთებელია, რადგან კახეთის გზატკეცილი არის ცენტრალური გზა, რომელიც ქალაქს აკავშირებს კახეთთან და ასევე არის აეროპორტის გზა. გთხოვთ, გზაგამყოფები და ბორდიურები მთლიანად იყოს მოწერიგებული თავისი მცენარეებით და განათებებით. ამის პარალელურად, გთხოვთ, უზრუნველყოთ ბარათაშვილის აღმართის კაპიტალური სამუშაოების განხორციელება და მისი რეაბილიტაცია, როგორც მიწისქვეშა კომუნიკაციების შეცვლა, ისე ტროტუარის, ბარდიურის, განათების მოწყობა. ასეთი ადგილმდებარეობები თბილისში უნდა იყოს მაქსიმალურად კეთილმოწყობილი, რადგან ესაა ძველი თბილისის ნაწილი და შესაბამისად, დედაქალაქის სახეც", - განაცხდა კალაძემ