„ლისის ტბის მიმდებარედ ბუნებრივი მახასიათებლების გაქრობის საფრთხეა“- ამ მიზეზით დედაქალაქის მერმა, აღნიშნულ ტერიტორიაზე განაშენიანების პროცესი შეჩერებულად გამოაცხადა. მისი თქმით, მშენებლობა ქალაქის მნიშვნელოვანი ეკონომიკური კომპონენტია, მაგრამ ქალაქის განვითარება სწორად უნდა მოხდეს. 

„გვაქვს ისეთი ტერიტორიები, რომელიც რეკრეაციული ზონის თვალსაზრისით მნიშვნელოვანია ქალაქისთვის. ლისის ტბის მიმდებარედ „ლისი ვერანდა“ ძალიან კარგად არის განვითარებული. გამწვანების კოეფიციენტი მაქსიმალურად არის ათვისებული, მაგრამ გვაქვს მეორე მხარე, სადაც განაშენიანება ქაოტურად მიმდინარეობს. იქ მიმდინარე პროცესი ცხადყოფს რომ დგას ტერიტორიის ბუნებრივი მახასიათებლების გაქრობის საფრთხე, რის გამოც ლისი როგორც სარეკრეაციო სივრცე არის მიმზიდველი თბილისელებისთვის. მიზანშეწონილია, რომ ლისის არეალში დროებით შევაჩეროთ განაშენიანების პროოცესი“ - განაცხადა კახა კალაძემ.