ბოლო ოთხი თვის განმავლობაში ტერიტორიების განაშენიანების ნებართვის მოთხოვნის კუთხით, 600-მდე განაცხადს არ მივეცით თანხმობა, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. 
მისივე თქმით, წარმოდგენილი მოთხოვნები, რიგ შემთხვევაში ზონის ცვლილების ან კოეფიციენტის მატების თაობაზე, ქალაქის განვითარების არსებულ პარამეტრებს არღვევდა. ამასთან, როგორც კალაძემ აღნიშნა, ბოლო პერიოდში უარი ეთქვა განაშენიანების რეგულირების გეგმების დამტკიცებას დიღმის ჭალებში. 

„დაიწყო ადმინისტრაციული წარმოება ვერეს ხეობაში და მტკვრის კალაპოტში გაცემული სპეციალური ზონალური შეთანხმების გასაბათილებლად, რადგან ამ შემთხვევებში დოკუმენტებში ძალიან დიდი ხარვეზები გამოვლინდა და ამ კონკრეტულ ადგილებში მშენებლობა არ მიგვაჩნია მიზანშეწონილად. ბოლო ოთხი თვის განმავლობაში ტერიტორიების განაშენიანების ნებართვის მოთხოვნის კუთხით, 600-მდე განაცხადს არ მიეცა თანხმობა, რადგან წარმოდგენილი მოთხოვნები, რიგ შემთხვევაში ზონის ცვლილების ან კოეფიციენტის მატების თაობაზე, ქალაქის განვითარების არსებულ პარამეტრებს არღვევდა. მიგვაჩნია, რომ ეს არის სწორი დამოკიდებულება, სწორი მიდგომა. 

 მერიის მხრიდან მსგავსი ქმედებები, ანუ სამშენებლო ნებართვების შეჩერება პირველი არ არის. ბოლო პერიოდში დედაქალაქის მთავრობა უკანონო მშენებლობებსა და ისეთ სამშენებლო პროცესებზე, რომელი ქალაქის განვითარების Myclient.ge შეჩერებულ მშენებლობებზე რამდენიმე კვირის წინაც წერდა. მაშინ, როდესაც მშენებლობების ნერბართვების „სერია“ დაიწყო (კერძოდ კი კომპანია სვეტისთვის სამშენებლო ნებართვის შეჩერება) „Myclient.ge“-ს დირექტორი, გვანცა გუჯელაშვილი აცხადებდა, რომ „დედაქალაქში კიდევ ბევრი მშენებლობა შეჩერდება“.

 გავიხსენოთ, რამდენ ობიექტს შეუჩერდა მშენებლობის ნებართვა ბოლო რამდენიმე თვეში:

თებერვლის  ბოლოს დედაქალაქის მერიის მიერ გავრცელებული ინფორმაციით, მხოლოდ ბოლო ორ თვეში (იანვარი-თებერვალი) თბილისის მერიის ზედამხედველობის სამსახურის მიერ ჩატარებული შემოწმების შედეგად, 160 სუბიექტის მიმართ დაიწყო სამშენებლო სამართალდარღვევაზე წარმოება. აქედან 84 სუბიექტზე შედგა შემოწმების აქტი, ხოლო 43 სუბიექტზე მიღებულ იქნა დადგენილება. ამ დადგენილებებიდან 13 მიღებულია სუბიექტის დაჯარიმების, ხოლო 30 მშენებლობის შეწყვეტის თაობაზე.  მთლიანობაში, ამ ორი თვის მანძილზე, სხვადასხვა დარღვევის გამო 46 მშენებარე ობიექტის მშენებლობა შეჩერდა. 

 ერთ-ერთი ყველაზე გახმაურებული შემთხვევა ეხება სამშენებლო კომპანია სვეტს, რომელიც მშენებლობის ნებართვის უქონლობის გამო ერთ-ერთ ობიექტზე საცხოვრებელი კორპუსების დასრულებას ვერ ახერხებს, არადა, ბინები ჯერ კიდევ გასული წლის დეკემბერში უნდა ჩაებარებინათ მობინადრეებისთვის. კომპანიაში ამბობენ, რომ მშენებლობის შეჩერების მიზეზი მთავრობის #41 დადგენილებაში შეტანილი ცვლილებაა, რომელიც მეტწილად სახანძრო უსაფრთხოების ნორმების გამკაცრებას ეხება. თუმცა ამ ნორმის ამოქმედებისას ითქვა, რომ ახალი მოთხოვნები მხოლოდ 2017 წლიდან დაწყებულ მშენებლობებს შეეხებოდა, კომპანიას კი ამჟამად შეჩერებული პროექტები გაცილებით ადრე აქვს დაწყებული. ამდენად, ჩნდება ეჭვი, რომ კომპანია მშენებლობას უნებართვოდ და შესაბამისად, უკანონოდ აწარმოებდა, ახლა კი ახალ ნებართვას მანამ ვერ აიღებს, სანამ უკვე სანახევროდ აშენებულ კორპუსებს ახალ მოთხოვნებთან შესაბამისობაში არ მოიყვანს. 

განვიხილოთ, თუ რა გახდა ბოლო პერიოდში სხვადასხვა სანშებებლო ობიექტზე მშენებლობის ნებართვის შეჩერების მიზეზი. 

რატომ გამოიკვეთა ამდენი დარღვევა მიმდინარე მშენებლობებში?

უძრავი ქონების სააგენტო Myclient.ge-ს დირექტორის თქმით, ხარვეზების გამოვლენის მთავარი მიზეზი აქამდე არარსებული ანდაც მოუწესრიგებელი კანონმდებლობამ გამოიწვია. 

„გამომდინარე იქიდან, რომ კანონმდებლობა მოუწესრიგებელი იყო,  დეველოპერები, ფაქტობრივად ქაოსურად, ყოველგვარი ნებართვის გარეშე იწყებდნენ მშენებლობებს; დროს არ კარგავდნენ, იღებდნენ ახალ შეკვეთებს იმ იმედით, რომ  ნებართვას მოგვიანებით აიღებდნენ; დარღვევისთვის კი, მაქსიმუმ 8 000  ლარის ჯარიმას გადაიხდიდნენ. ახლა საკანონმდებლო მიდგომა შეიცვალა და სწორედ ამიტომ გამოაშკარავდა ბოლო პერიოდში ამდენი დარღვევა. რა თქმა უნდა, სამშენებლო პროცესის შეჩერება ძალიან ცუდია, რადგან ამით ერთდროულად ზარალდება მოსახლეობა, ვინც იმ ობიექტში უკვე იყიდა ფართი, ზარალდება ქალაქის ინფრასტრუქტურა და ასევე თავად დეველოპერები. თუმცა, ფაქტია, რომ ქაოსური მშენებლობებს წერტილი უნდა დაესვას, რასაც სწორი და ქმედითი კანონმდებლობა მოაწესრიგებს ამ პრობლემას. ის რაც აქამდე დაშავდა, ვერ შეიცვლება,მაგრამ სავარაუდოდ, თბილისში გაიზრდება კანონდამრღვევი სამშენებლო კომპანიებისა და შესაბამისად, შეჩერებული მშენებლობების რაოდენობა,“-განაცხადა გვანცა გუჯელაშვილმა.