მშენებლობის მოსაკრებლის დაანგარიშების ფორმულა ისეთი ნაგებობებისთვისაც იცვლება, რომელსაც სამყოფი ფართობი და იატაკი არ გააჩნია. დღემდე მოქმედ კანონში დაკონკრეტებული არ არის, რა თანხა შეიძლება დაუჯდეს დამკვეთს, მაგალითად, ანძების მშენებლობის მოსაკრებელი. თბილისის მერიის არქიტექტურის სამსახურის მიერ შემუშავებული ცვლილებების პაკეტით, სხვა და სხვა კლასის ნაგებობებზე ფიქსირებული მოსაკრებელი დაწესდება, რომლის დიაპაზონიც 50-დან 400 ლარამდე განისაზღვრება.
„ცვლილებები შეეხება ხაზოვანი ნაგებობების სამშენებლო მოსაკრებლებსაც, მაგალითად მილსადენებს და ელექტრო გადამცემ ხაზებს. ამ შემთხვევაში, მათი თითოეული გრძივი მეტრისათვის დაწესდება მოსაკრებელი 1 ლარის ოდენობით. აქამდე არსებულ კანონში ეს დაკონკრეტებული არ ყოფილა.“ - განაცხადა თბილისის მერიის არქიტექტურის სამსახურის უფროსმა, თემურ ბოლოთაშვილმა.
ცვლილებები „ადგილობრივი მოსაკრებლების შესახებ“ კანონში შედის. ცვლილებების პაკეტი პარლამენტს თბილისის მერიის არქიტექტურის სამსახურმა გადაუგზავნა.
წყარო:Bm.ge
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge