ჯანდაცვის მსოფლიო ორგანიზაციის მონაცემებით, ქალაქში მცხოვრებ ერთ ადამიანს ჯანმრთელი ცხოვრებისთვის 50 კვ.მ გამწვანებული ტერიტორია სჭირდება. რამდენი მწვანე საფარი მოდის ერთ თბილისელზე, უახლესი მონაცემები არ არსებობს, თუმცა ბოლოს ჩატარებული კვლევის თანახმად, ეს მონაცემი 5,4 კვ.მ -ს არ აღემატება. აღნიშნული კვლევა 2002 წელს ჩატარდა, თუმცა მას შემდეგ ათასობით ხე თბილისის განაშენიანებას შეეწირა. 

„სამწუხაროდ, დღეს ამ მხრივ გვაქვს კატასტროფული მდგომარეობა. დადგენილი სტანდარტებით ერთ სულ მოსახლეზე უნდა მოდიოდეს 21 კვ.მ გამწვანებული ფართობი, მსოფლიო ჯანდაცვის ორგანიზაციის მიხედვით კი ოპტიმალური და საუკეთესო შემთვევაში უნდა იყოს 50 კვ.მ. ყველაზე მაღალი მაჩვენებელი გამწვანების კუთხით დაფიქსირდა 1983 წელს 13 კვ.მ ერთ სულ მოოსახლეზე. ბოლო მონაცმები კი გვაქვს 15-16 წლის წინანდელი და იმ დროინდელი მონაცემებით 1 სულ მოსახლეზე გამწვანებული ფართბი იყო 5.4 კვ.მ. ანუ ეს არის 4-5 ჯერ იმაზე ნაკლები რაც უნდა იყოს ჩვეულებრივ ნორალურად დასახლებულ ქალაქებში რომ ადამიანმა შეძლოს ჯანსაღ გარემოში ცხოვრება“ - განცხადა ბიოლოგიის მეცნიერებათა დოქტორმა ნინო გოცაძემ.