უძრავი ქონების სააგენტო „Myclient.ge“ გაეცნო საჯარო რეესტრის ეროვნული სააგენტოს მიერ წარმოებულ სტატისტიკას უძრავი ქონების სარეგისტრაციო ტრანზაქციათა რაოდენობის შესახებ, რომლის მიხედვითაც 2018 წლის იანვრის თვეში უძრავი ქონების სარეგისტრაციო ტრანზაქციათა რაოდენობა წინა წლის იმავე თვესთან შედარებით 61.3%- ით გაიზარდა და ქვეყნის მასშტაბით 79 873 ერთეული შეადგინა.

 უწყების ინფორმაციით, „მიმდინარე წლის  იანვარი 2014-2017 წლების იმავე თვესთან შედარებით ცალსახა ზრდით გამოირჩევა: 2014 წლის იანვართან (35 953 ერთეული სარეგისტრაციო ტრანზაქცია) შედარებით - ზრდა 122.2%-ით, 2015 წლის იანვართან (34 485 ერთეული სარეგისტრაციო ტრანზაქცია) შედარებით - ზრდა 131.6%-ით, 2016 წლის იანვართან (35 620 ერთეული სარეგისტრაციო ტრანზაქცია) შედარებით - ზრდა 124.2%-ით, 2017 წლის იანვართან (49 513 ერთეული სარეგისტრაციო ტრანზაქცია) შედარებით - ზრდა 61.3%-ით“.

იხ.ფოტო:  უძრავი ქონების ბაზრის ტრანზაქციები 2010-2018 წლებში

იხ.ფოტო1: უძრავი ქონების სარეგისტრაციო  ტრანზაქციების რაოდენობა, ტერიტორიული ერთეულების მიხედვით.