თბილისის პარკირების სისტემის ვებ-გვერდი www.tp.ge შეიქმნა, რომლის მეშვეობითაც მოქალაქეები შეძლებენ ჯარიმების და პარკირების საფასურის გადახდას. ცაბაძის ქუჩის 2 ნომერში ამოქმედდება პარკინგის ოფისიც. თბილისის მერის, კახა კალაძის განცხადებით, ნებისმიერი გადასახადის გადახდა სწრაფი გადახდის აპარატებიდანაც იქნება შესაძლებელი. ტრანსპორტის სამსახურის თანამშრომლები კი ყველა საჭირო ტექნიკით იქნებიან აღჭურვილნი. 

„მინდა ვთხოვო თბილისში მოძრავ მძღოლებს დაიცვან პარკირების და მოძრაობის წესები. ჯარიმებიდან შემოსული ყველა თეთრი მოხმარდება პარკირების სისტემის გამართვს, რომელიც სერიოზულ პრობლემას წარმოადგენს დღეს თბილისში“ – განაცხადა დღეს თბილისის მერმა დედაქალაქის მთავრობის სხდომაზე.