ორი  კვირაა,რაც MYCLIENT.GE-მ ბინების ფასის ეროვნულ ვალუტაში დაფიქსირება დაიწყო და ბინის მფლობელები სავალუტო კურსის ცვლილებებისგან თავის დასაცავად ხელოვნურად ზრდიან უძრავი ქონების სარეალიზაციო ფასს.

"უკვე დავიწყეთ ლარში ფასდადება და ბინის მფლობელების მხრიდან ფასის ხელოვნურად ზრდის ტენდენცია შეინიშნება. ხშირად ეს ფასი არარეალურია ბინის მდგომარეობის , მისი მახასიათებლების გათვალისწინებით. შესაბამისად, დიდი ძალისხმევის დახარჯვა გვიწევს მომხმარებლების დასარწმუნებლად, რათა ფასი შეამცირონ. ვუხსნით, რომ წინააღმდეგ შემთხვევაში რეალიზაციის პროცესი შეფერხდება, დროში გაიწელება ან საერთოდ ვერ მოხერხდება. ეს ტენდენცია განსაკუთრებით გამძაფრდება 1 ივლისიდან.მომხმარებლებს ვურჩევთ, რომ გაითვალისწინონ ჩვენი ბროკერების რჩევები,იმისათვის რომ მათთვის სასურველ შედეგს მიაღწიონ. “- აღნიშნა MYCLIENT.GE-ს საზოგადოებასთან ურთიერთობისა და მარკეტინგის სამსახურის უფროსმა- გვანცა გუჯელაშვილმა.

MYCLIENT. GE-ს ცნობით, ბინის მყიდველებსა და გამყიდველებს შორის ურთიერთობის დარეგულირებას ბინის რეალური ფასის განთავსებასთან დაკავშირებით და ზოგადად, კანონთან შეგუაბაში თვეები დასჭირდება.

შეგახსენებთ რომ უძრავი ქონების ლარში ფასდადების კანონი ოფიციალურად 1-ლი ივლისიდან ამოქმედდება.