დამოუკიდებელი პროფკავშირი „ერთობა 2013" გაიფიცა. მეტროს მემანქანეები ანაზღაურების გაზრდას ითხოვენ. 

მეტროს თანამშრომლები სასამართლოს გადაწყვეტილების ფარგლებში დასვენების საათებში გაიფიცნენ; ფეხზე მდგომარე შიმშილობის აქცია დაახლოებით 14 საათის განმავლობაში მიმდინარეობდა. აქციის შემდეგ მემანქანეების ჯგუფი გამთენიისას, 06:00 საათზე სამსახურში გამოცხადდა, თუმცა სამედიცინო შემოწმება ვერ გაიარეს. 

გლდანში კი მემანქანეთა ნაწილის აქცია მიმდინარეობს. აქციის მონაწილეები სამუშაო პირობებს აპროტესტებენ და ხელფასების მატებას მოითხოვენ. მემანქანეები სასამართლოს გადაწყვეტილების ფარგლებში უვადო გაფიცვას და შიმშლობას იწყებენ.

 მემანქანეების გაფიცვის გამო ყველა მეტროსადგური დაკეტილია. მეტროსადგურში ჩასულ მგზავრებს შემდეგი შინაარსის წარწერა დახვდათ: „მეტრო დაკეტილია, ისარგებლეთ ავტობუსებით. ავტობუსები მოგემსახურებათ უფასოდ!“ შესაბამისად, მოსახლეობას ავტობუსებით უფასოდ გადაადგილება შეუძლია. 
 შეგახსენებთ, მემანქანეები გუშინ გაიფიცნენ. ისინი გლდანის დეპოში არიან შეკრებილი. ისინი აცხადებენ, რომ პროტესტს არ შეწყვეტენ, ვიდრე მათი მოთხოვნები არ დაკმაყოფილდება. მემანქანეები ხელფასების მომატებას ითხოვენ.