მერია ინვესტორებს ვარკეთილის მესამე მასივში მშენებლობისთვის 1 ლარად სთავაზობს ნაკვეთს. 30 ათას კვ.მ მიწაზე ამჟამად ე.წ. „ხრუშჩოვკის“ ტიპის განაშენიანებაა. 
„ინვესტორი ამის სანაცვლოდ მოგვცემს მინიმუმ 7 500 კვ.მ ფართს. გამარჯვებულის გამოვლენა დამოკიდებულია იმაზე თუ ვინ უფრო მეტ ფართს შემოგვთავაზებს. 

არქიტექტურის სამსახურის მიერ უკვე შემუშავებულია განაშენიანების რეგულირების გეგმა“ - განაცხადა თბილისის მერიის ქონების მართვის სააგენტოს უფროსმა ირაკლი თავართქილაძემ „საქმის კურსის“ ეთერში. მისი თქმით პროექტის მიზანი ავარიული შენობა-ნაგებობების ჩანაცვლებაა, თუმცა რაკი ინტერესის გარეშე ბიზნესი ამ პროექტში არ ჩაერთვებოდა, შემუშავდა საგანგებო შეთავაზება. 

„ჩვენ გვაქვს შემოთავაზება უცხოელი ინვესტორებისგან. მიმდინარეობს დოკუმენტაციის თარგმნის პროცესი. როგორც კი ითარგნება დოკუმენტაცია, დაიდება ჩვენს ვებ-გვერდზე და განთავსებული იქნება 2 თვის განმავლობაში“, - ამბობს თავართქილაძე.