რკინიგზელთა პროფკავშირების თავმჯდომარის ვიტალი გიორგაძის განცხადებით, იმ შემთხვევაში თუ მერიასა და მეტროს მემანქანეებს შორის მოლაპარაკებები არ შედგა, შესძლოა პროტესტმა უფრო ფართომასშტაბიანი სახე მიიღოს. გიორგაძე ამბობს, რომ გაფიცულ 240 მემანქანეს, შესაძლოა, მეტროპოლიტენის სხვა თანამშრომლებიც შეუერთდნენ. 

"თუ მხარეები დარჩებიან დაპირისპირებულად და მთავრობა სამართლიანად გაფიცული ადამიანების წინააღმდეგ სხვადასხვა სადამსჯელო ღონისძიებებს გამოიყნებეს, ასეთ შემთხვევაში ჩვენ ორგანიზებას გავუკეთებთ სოლიდურ აქციებს და ეს უფრო დიდ პროტესტში გადაიზრდება. 

როგორც ჩანს მერს მისი წარსული პროფესიიდან გამომდინარე ძველი თვისებები გამოყვა, ის მცველია და იცავს საკუთარ პერიმეტრს, კარგად მანიპულირებს პუბლიკასთან, მაგრამ ერთი რამე უნდა შევახსენოთ ამ ადამიანს, რომ გუნდი სადაც ის თამაშობს, ეკუთვნის მემანქანეებს", - აცხადებს ვიტალი გიორგაძე. 

ერთ-ერთი მემანქანის განცხადებით, საკუთარ ხელფასებს, რომელიც 300-დან 800 ლარამდე მერყეობს მეტროპოლიტენში სხვა პოზიციებზე დასაქმებულებიც აპროტესტებენ.