თბილისის მერიამ კოოპერატიული ბინათმშენებლობით დაზარალებულთა ბინებით დასაკმაყოფილებლად მიწის ნაკვეთებზე ინტერესთა გამოხატვა გამოაცხადა. მერიამ დიდი დიღმის მე-4 მიკრო რაიონის 25-ე კორპუსის მიმდებარედ 2 მიწის ნაკვეთი გამოიტანა, რომელიც ჯამში 2 ჰექტარია და იქ 90-ზე მეტი ოჯახის ბინით დაკმაყოფილება იქნება შესაძლებელი. 

„მინდა მოვუწოდო სამშენებლო და დეველოპერულ კომპანიებს, დაინტერესდნენ წარმოდგენილი პროექტით, იქონიონ კომუნიკაცია მერიის ეკონომიკური განვითარების სამსახურთან და მონაწილეობა მიიღონ ჩვენს მიერ გამოცხადებულ ინტერესთა გამოხატვაში. ჩვენ ვაგრძელებთ მუშაობას შემდგომ პროექტებზე და უახლოეს მომავალში კიდევ გამოვაცხადებთ ინტერესეთა გამოხატვას. საბოლოო ჯამში, ჩვენი მიზანია 3-4 წლის განმავლობაში მოვაგვაროთ ეს პრობლება და ყველა ოჯახი დავაკმაყოფილოთ“ - განაცხადა თბილისის მერმა კახა კალაძემ. 

კოოპერატიული ბინათმშენებლობით 3 500 ოჯახია დაზარალებული.