თბილისის მერია დედაქალაქში დიდი პარკების რეაბილიტაციას იწყებს.
საქალაქო პარკებისთვის ახალ ლოკაციებად დიღმის ჭალები და თემქის ხევი დასახელდა, სადაც ახალი დასასვენებელი სივრცეები შეიქმნება. თბილისის მერის განცხადებით, მიმდინარე წელს ჩატარდება კვლევითი სამუშაობი, ხოლო მომავალი წლიდან პროექტის პრაქტიკული ნაწილი განხორციელდება.
წელსვე კიდევ სამი დიდი პარკის რეაბილიტაცია იწყება. წურწუმიას და გოძიაშვილის პარკების გარდა, ახალი რეკრეაციული სივრცე გლდანში მე-6 მკრ რაიონშიც მოეწყობა, სადაც ამ მიზნით 3 ჰა-ზე მეტი ტერიტორიაა გამოყოფილი.
„ეკოლოგიის თვალსაზრისით არსებული მდგომარეობა არავის გვსიამოვნებს. ეს მასშტაბური პრობლემაა და კომპლექსურ მიდგომებს საჭიროებს. ჩვენ დავიწყეთ მცირე და საშუალო სკვერების მოწესრიგება, რაც ეკოლოგიური მდგომარეობის გამოსწორებას დაეხმარება. ასევე ავტოფარეხების აღების პროექტი და მის ნაცვლად მწვანე სივრცეების და სპორტული მოედნების გაკეთება. მაგრამ მხოლოდ ეს ვერ შეცვლის მდგომარეობას. ტრანსპორტის თვალსაზრისით აუცილებელია შეზღუდვები. ჩვენ უნდა ვიყოთ ლოკომოტივი, ყვითელი ავტობუსების ჩანაცვლებით. მოგვიწევს არაპოპულარი ნაბიჯების გადადგმა. მაგრამ საერთო ინტერესებიდან გამომდინარე ეს უნდა გავაკეთოთ. “ - განაცხადა კახა კალაძემ.
მერია უახლოეს დღეებში წარმოადგენს სატრასნპორტო პოლიტიკის სამოქმედო გეგმას, სადაც წლების მიხედვით იქნება გაწერილი, კონკრეტულად რა უნდა გაკეთდეს, რომ ეს პრობლემა მოგვარდეს.
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge