MYCLIENT.GE-ის ინფორმაციით, ივნისიდან დღემდე ინვესტორების მხრიდან საინვესტიციო პროექტებისთვის განკუთვნილ მიწებზე მოთხოვნა 35-40%-ით გაიზარდა, თუმცა მიწოდების პროცესი სათანადოდ ვერ ხერხდება. მიწოდების პროცესის შეფერხებას იწვევს ის,რომ სახელმწიფოს მხრიდან მიწის ნაკვეთის განაშენიანების ინტენსივობის კოეფიცინტების მინიჭების დროებით შეჩერდა. შეწყდა მშენებლობის ნებართვების გაცემა და დღეს მოთხოვნა ისეთ მიწებზეა,რომლებსაც კოეფიციენტი უკვე მინიჭებული აქვთ და მშენებლობის განხორციელებაა შესაძლებელია. ამ კუთხით აქტიურობა ძირითადად ებრაელი, არაბი და რუსი ინვესტორების მხრიდან შეინიშნება.სამშენებლო კორპუსების მშენებლობის მიზნით მათთვის მიმზიდველ ლოკაციებს საბრურთალო, ვაკე, დიდი დიღომი,ვაზისუბანი და სანზონის მიმდებარე ტერიტორიები წარმოადგენს.