დღეისათვის, მსოფლიოს მასშტაბით, სხვადასხვა ქალაქში, 133 ცათამბჯენს ითვლიან, რომელთა სიმაღლე, ჯამში 300 მეტრს აღემატება. 

The Council on Tall Buildings and Urban Habitat-ის ინფორმაციით, მათი უმრავლესობა ბოლო 10 წლის განმავლობაში აშენდა, ხოლო ზოგიერთი მათგანის მშენებლობა ჯერაც არ დასრულებულა; ცათამბჯენების სიაშია ნიუ-იორკში, Central Park Tower-ი, რომელიც 427-მეტრიანი შენობაა. მშენებლობა ოფიციალურად მომდევნო წელს დასრულდება და მასში ძირითადად ყველაზე ძვირადღირებული პენტჰაუსები განთავსდება. 

ცათამბჯენების რეიტინგში მოხვდა საუდის არაბეთიც თავისი მაღალი ნაგებობებით - Jeddah Tower-მა და მისმა ინჟინრებმა გადაწყვიტეს, 20 მილიარდი დოლარის ოდენობის ინვესტიცია ათას შვიდი მეტრის სიმაღლის ცათამბჯენის აშენებაში ჩაედოთ, რომელიც მხოლოდ ცათამბჯენს არ მოიცავს. შენობა 2020 წელს დასრულება და მასში საცხოვრებელი სახლები განთავსდება. 

ცათამბჯენებზე საუბარი არ გამოვა დუბაის გარეშე, სადაც ამჟამად 928 მეტრის სიმაღლის შენობას აშენებენ, რომელმაც ბურჯ-ხალიფას უნდა გადააჭარბოს. ობიექტის დასრულება 2020 წლისთვისაა დაგეგმილი. 

ცათამბჯენს მალაიზიის დედაქალაქშიც აშენებენ, რომელიც 644 მეტრის იქნება, 118 სართულს გააერთიანებს და მალაიზიაში ყველაზე მაღალი ნაგებობის სტატუსიც მიენიჭება. შენობას სახელიც მოუფიქრეს - „მერდეკა“ და ფუნქციაც მკაცრად გაწერილი აქვს. მასში უმსხვილესი საინვესტიციო კომპანიების შტაბ-ბინები და საოფისე ფართები განთავსდება. 

სიაში ჩინეთი და მისი უჩვეულო ნაგებობა Guiyang Cultural Plaza Tower-იც მოხვდა, რომელიც სავარაუდოდ, 121-მეტრიანი იქნება; მისი უჩვეულობა მდგომარეობს იმაში, რომ ეს არის შენობა-ჩანჩქერი, რომლის წყალიც სპეციალურ წყალსაცავში დაგროვდება. ცათამბჯენი 2020 წელს დასრულდება და ჯამში, 109 სართულიანი იქნება. 

და ბოლოს ცათამბჯენს ააშენებენ ბანგ-კოკშიც. Grand Rama - 625 მეტრი სიმაღლის, 125 სართულიანი შენობა იქნება, რომელიც სამ ზონად გაიყოფა: A კატეგორია იქნება საოფისე ცენტრი, მეორე ზონაში ექვსვარსკვლავიანი სასტუმრო განთავსდება, მესამე კი, გასართობი მიზნებისთვის გამოიყოფა. Grand Rama უკვე შეფასდა აზიის უმაღლეს წერტილადაც.