დიდ დიღომში მშენებარე კორპუსიდან მუშა გადმოვარდა. შინაგან საქმეთა სამინისტროს მიერ გავრცელებული ინფორმაციის თანახმად, მუშა ადგილზე გარდაიცვალა.

საქმეზე მიმდინარეობს გამოძიება სსკ-ის 240-ე მუხლით, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ეს სამშენებლო სამუშაოების პროცესში მუშის გარდაცვალების პირველი შემთხვევა არ არის. შინაგან საქმეთა სამინისტროს მონაცემების თანახმად, გასული რამდენიმე თვის განმავლობაში არაერთი მუშა დაიღუპა სამუშაოს შესრულებისას. 

თბილისის მერიის განცხადებით, სამშენებლო სამუშაოების დროს უსაფრთხოების წესების უზრუნველყოფის მიზნით კანონში ცვლილებები იგეგმება.