"რუსთავი 2"-ის შენობაში გაჩენილი ხანძრის შედეგად შენობის დაახლოებით 40–45 კვადრატული მეტრის ფართი დაიწვა. არსებული ინფორმაციით, ცეცხლი საწყობში გაჩნდა. ჯერჯერობით ხანძრის გამომწვევი მიზეზი უცნობია. 

ამ დროისთვის ხანძარი ლიკვიდირებულია. სახანძრო-სამაშველო ოპერაციაში მონაწილეობდა 5 სამაშველო ბრიგადა. 

როგორც შსს-ს პრესსამსახურში აცხადებენ, შენობაში ხანძრის გაჩენის ფაქტზე გამოძიება სსკ–ის 187–ე მუხლით მიმდინარეობს, რაც ნივთის დაზიანებას ან განადგურებას გულისხმობს.

წყარო : ambebi.ge